الفرشة – Lfercha واجبنا ضد الفساد
واش فراسك شنو دارو المقدمية الشلاهبية المدعوان الدومي (الصورة فالتعليق) و الشتيوي (صورة المنشور)، المعروفين بتشفارت و السمسرة، مع محسنين كيجمعو المساعدات للمنكوبين اليوم بحي البام، و لا ما فراسكش ؟!
المقدمية ملي شافو المبادرة ناجحة و تجاوب المواطنين كبير و وصلو ماشاء الله في يوم واحد لستة بيكوبات و سطافيط، ما كتجي فين تمشي وحدة تا كتعمر وحدة اخرى، عاتا وقفو عليهم فالبيكوب السابعة هاذ جوج حلاقم ديال المقدمية قالوا ليهم ما عندكمش الحق خاص هاذشي يدوز على العمالة و نسجلوه فمحضر و يشوفو العامل عاد يمشي من العمالة، ملي رفضو المتطوعين و المحسنين تزايدو فالهضرة، جابو ليهم البوليس بكل تلاوينه و بحضور الكوميسير عبد الله رئيس الدائرة الأولى، و داو البيكوب صحة للعمالة ضدا عن رغبة المحسنين…سرقة صافي…
واش هاذشي فراسك اسي العامل بوكوتة و لا لا ؟ على اي هاذشي را كيتدار باسمك…و كاين كاع لي كيقول صحيح بحيث باغين دوزو مساعدات محسنين على اساس انها مقتناة من صندوق الكوارث لي فالعمالات…
يتبع…
سير على بركة الله…
