الفرشة تخرج حسن اد بيشو من جحره…

من بعد ما كان نجم الفرشة و زعيم كارطل اكادير كايزور و ينهب فالخفاء و مخلي عزيز عباد هو لي باين الصورة، اخيرا حسن اد بيشو قرر انه يخرج يبان حتى هو و يتخلط مع المجهزين، علاش؟

حسن اكتشف ان عزيز عباد هو لي كان واكل لخبيزة عن طريق الاستئثار بالظهور المتكرر فوسائل الاعلام، الشيء لي خلاه يدير علاقات و يكسيري على شريكو فالنهب و التزوير و التهريب.

حسن طلع للرباط باش يحضر لاجتماع جامعة غرف الصيد البحري نهار الثلاثاء، (صورة المنشور من ذات الاجتماع)، و هي المشاركة لي دارها حجة و زيارة، علاش؟

حسن و لاول مرة كايحضر اجتماع بدون عزيز عباد، لغرض منو ماشي هو الجامعة و انما باش يتلاقى مع كمال صبري، لانه كايعتاقد ان صبري هو سبابو فهاد شي، و مشى يفك معاه من بعد ما عجز عزيز عن ذلك، بسبب الفرعنة ديالو و التكبر لي كايخليه ينسى اصلو.

مصدرنا الموثوق اكد لينا على ان حسن تلاقا بشي مسؤولين فالرباط بهدف طلب المساعدة باش مايتفتحوش الضوسيات ديالو لي يمكن يغبروه فالحبس الا تفتح فيهم تحقيق.

المصدر ذاته يؤكد على ان حسن فرق فلوس صحيحة على شي وحدين ظنا منه انهم غادي يفكوه من الفضائح لي تنشرات على الفرشة، و لي مازال غادي يتنشر منها معلقات.

سي حسن، الفرشة كاتقول ليك غير وفر فلوسك و خلي باش تخلص المحامي و وشي بركة دوزها للحسابات الاخرى كيما درتي فقضية تزوير اوراق ملكية الارض ديال كازا، و لي بالمناسبة مازال عندنا مايتقال فيها و بالحجة و الدليل.

يتبع…

سير على بركة الله…