الفرشة – Lfercha واجبنا ضد الفساد
و لا على الرو الدو لي دارو لتطوان باش صيفطو بركان بلاصتها للمسابقة الأفريقية، لا هاذشي دوينا فيه كما يعلم متابعينا القدام ملي طنزنا على بركان و السوبرمان ديالها…
غانرجع بيكم اليوم لاصل القصة، قاليه من تافوغالت خرج مايل…
الدورة 29 موسم 2011/2012، الكوكب الطاس و بركان كيتنافسو على البطاقة الثانية من اجل الصعود للقسم الأول، بعدما نالت بني ملال البطاقة الأولى…
الورزازي، رئيس الكوكب انذاك لي ولى من بعد نائب رئيس العصبة انذاك ابتداء من تاريخ تأسيس اول عصبة احترافية سنة 2013، هو و مول الفيليبينيات الملياردير يوسف ظهير و الشوفاني بزناس لافيراي في مراكش، (صورة الثلاثي فالتعليق) داو 80 مليون وبالضبط في سيارة Audi Q6 بيضاء ديال ظهير، باش يشريو الماطش ضد سطاد المغربي، ولكن رئيس سطاد انذاك رفض يبيع الماطش وقاليهم لعبو الكرة، وهوما يدوزو للحكم لي كيعطي للكوكب ضربة جزاء خيالية، و غايضيعها اللاعب رضوان الضرضور وتسالي المقابلة بفوز سطاد، ويبقى التنافس حول الصعود بين بركان و الطاس، بركان تحتاج نقطة وحيدة وتطلع، المباراة في ملعب مراكش الكبير…
و لصدفة الاقدار، مدرب الكوكب انذاك كان هو هشام الدميعي لي درب في بداية نفس الموسم بركان، و مدرب بركان انذاك كان هو عزيز الخياطي لي درب مراكش في بداية ذات الموسم، الخياطي كان مريض فتاريخ ذاك الماطش لي كان حاضر فالماطش هو المساعد ديالو نفس مساعد الدميعي لي خلاه المدعو النكيدي، و غايتعادلو الطرفان بنتيجة 1/1 من تسجيل الهردومي للكوكب و رضى المختاري لي كان يلعب فالكوكب الموسم لي قبل هو لي ماركا لبركان…
مقابل 80 مليون تسلمها فؤاد الورزازي و علالي عاطيفي الملقب بالشوفاني من عند مضران المدير الجهوي للضرائب بمراكش أخ الرئيس المنتدب للنهضة البركانية من ذاك العهد الى يومنا هذا و هو لي كيبان فصورة المنشور، الرئيس الورزازي كانت عندو سيارة Megane زرقاء داك الموسم، بعد نهاية الموسم شرا Passat سوداء، بركة التمانياتون مليون اعمي……
هاذشي كامل باش يالله طلع بركان بالنسبة (انظر الترتيب فالتعليق)…
سير على بركة الله…
