ايت منا ها علاش كنسميه “مول المحمدية”….قضى و نضى و قال للبوكيمونات لي معاه فالمجلس زيدو صادقو على قرار ربكم الأعلى…

نرجعو نكملو على اخر تدوينة عليه فين قلنا انه باع جرادي و فضاءات الأطفال بلا خبار الساكنة، اليوم كنكتاشفو انه قام بإ.غ.ت.ص.اب قانون 57.19 واعطى رخصة لشركة الاتصالات يوم 28 غشت 2023 (انظر تعليق)، بلاما يدوز على اللجنة المكلفة بالمرافق العمومية والخدمات، وبلاما يتناقش الموضوع في دورة ويصوت عليها اعضاء المجلس.

تا قضى و نضى و رخص و حفر عاد غادي تنظر فيها اللجنة المكلفة بالمرافق العمومية والخدمات شكليا بتاريخ 28 نونبر 2023 (أنظر التعليق)، هاذ اللجنة شكون لي كيترأسها ؟ نجم الفرشة الاخر الطيب موساوي لي كتبنا عليه بطل فضي.حة الحفل لي رخصو ليه يديرو فالمسرح من مالية الجماعة، دبا عاد عرفنا علاش ايت منا عطاك اسي الطيب موساوي مسرح من دون ساكنة المدينة و مجتمعها المدني، تدير فيه حفلة انت ولعطار لي من الحز.ب ديالو…، ما غايبرمجوها في دورة استثنائية حتى ل 28 نونبر، و حتى ليوم 29 نونبر 2023 عاد دوزها ايت منا في دورة استثنائية عاد تمت المصادقة عليها كتحصيل حاصل.

دبا هاد الفعل اشمن تكييف قانوني يجي معاه ؟ واش تزوير ولا تدليس و لا شنو طبيعتو اسي ايت منهم ؟

واش اعضاء المجلس فخبارهم هذشي ولا دوزتي عليهم دكاكة ؟؟ولا متواطئين معاك و نتا و اياهم لي مدوزين الدكاكة على الساكنة ديال المحمدية ؟

خاص لجنة التفتيش تابعة لوزارة الداخلية تمشي تضرب شي دورة في جماعة المحمدية…

سير على بركة الله….

رخصة لي تعطات لشركة اتصالات لوضع أعمدة يوم 28 غشت 2023

محضر اللجنة المكلفة بالمرافق العمومية والخدمات