الفرشة – Lfercha واجبنا ضد الفساد
جوج ديال البوليس في الدائرة التاسعة الحي المحمدي أكادير، عيط عليهم واحد السيكوريتي فواحد العمارة في إسلان على قبل شي كاوري مقصر مع شي درية، جاو البوليس دارو تدخل دخلوا عليهم البرطمة لقاوهم متلبسين داكشي لي بغاو..
قالو الكاوري تكحب و لا نديوك ؟ بقاو يتفاصلو و يبيعوا و يشريو معاه لقاوه ما هاز والو معاه… تصوروا شنو دارو ؟!
هزوه بالسيارة ديال الدائرة حتال البنك للشباك الاوتوماتيكي باش تيرا ليهم الكموسة و تفاصل معاهم و ردوه لمحالو يكمل القصارة…
الدرية بقى فيها الحال، مشات عند والي الأمن سي مصطفى إمرابضن، عاودات ليه القصة من طق طق تالسلام عليكم 
.
السيد الوالي فتح تحقيق و بدى البحث، البارح جات برقية من الإدارة توقفوا، شاداهم الكاميرا ديال البنك قييييطي…
سي العميد الإقليمي أحمد اوسوس رئيس الدائرة ديال الحي المحمدي فين خدامين هاذ الجوج (صورة المنشور) واش فراسك هادشي ؟ و لا مشارك معاهم في المرفودة ؟!
سير على بركة الله….
