حصري، زريبة امانديس طنجة : حوتة أخرى عطات ريحتها و طمسوها بفعل فاعل…

حصري،

زريبة امانديس طنجة : حوتة أخرى عطات ريحتها و طمسوها بفعل فاعل…
Fraude compteur trafiqué.

عبد الكريم بوراسو، صاحب أوطيل (بوراسول) فالدخلة ديال البياج بين طنجة وأصيلا (اوطيل + مسبح عمومي وشواية وقاعة الحفلات) ومرافق متعددة إضافة لمئات الأمتار من المناطق الخضراء لي كتستنزف المياه الصالحة للشرب بدون حسيب او رقيب، وبصفر درهم.

الكومة (التويو) ديال 63 كانت مثقوبة، و كان داير الصوندا كيعمرها بالماء بيليكي باش كيعمر لابيسين.

لي تدخل فهاد الفرود Fraude باش يتوقف التسجيل ديالو كمخالفة ويخلص بحال كاع لي كيحصل هارف على الماء، هو الكاتب العام لنقابة umt فشركة أمانديس، بدعوى أن عبد الكريم بوراسو ولد الدريبة ديالو (حومة مبروكة 5)، وصديق الطفولة ديالو، هاذ الش*فار الخاتر ديال رشيد السالمون غيكون ضيف على عمارية الفرشة في القريب بإذن الله.

من بعد ماحصل، حيدو الكونتور لي مترافيكي، ومكتب دراسات شركة أمانديس كيعرف فهاد الحالة ان لابيسين خاص يكون بكونتور و الشقق كل وحدة بكونتور ديالها مستقل، وطبعا قيمة البرونشمون كتطلع على حساب عدد لي كونتور، وكذلك المساحة المبنية لي كتستاغل هاد الماء.

دازت سنتين بعدما توصل المدير كريم جيبط بالصور ديال واقعة السرقة، عطا المدير بلحاج عبدالعزيز، بطل مسلسل التحرش الجنسي ضد الإطار ( ه.خ)، عطا الامر بإعادة معاينة المكان، وبعد عودة المستخدمين المحلفين لقاو (باتاريا ) مزال مبرونشيا كاااملة بلا كونتور وبشكل متعمد.

كان من بين المستخدمين لي عاينو عملية السرقة ولد أخ رشيد السالمون الكاتب العام سميتو حمزة السالمون، بطل فضائح كثيرة غادي نرجعو ليها تاهيا ان شاء الله باش ايلا لقاو شي حاجة ماشي هيا هاديك يبلغ الرئيس ديالو، ذاك لي كيدعي الألوهية صاحب التسجيل لي نشرنا، لي طرد المستخدم و قالو طلع تالعند الملك، المدعو اسماعيل الركراكي، وعمو رشيد السالمون، ويضغطو على الشهود بطمس الفيلم…

و من بعد هاد الخير لي دار الكاتب العام السلمون مع صاحبو كريم بوراسو مول المنتجع تنظمات حفلة على شرف المدعو أحمد خليلي وسي كريم مول لوطيل حمر الوجه لصاحبو، قدام ولي نعمته خليلي…

يتبع…

تا سير على بركة الله…