حصري، هالي قلنا ليكم ثاني على البيع و الشرا فالماطشات….

مباراة الكوكب و الماص الدورة 29 ما قبل الأخيرة فمراكش موسم 19 / 20، هذا هو الماطش لي جاب على ودو ايت منا رئيس الكوكب السابق الهارب نعيم تالكازا، و عرض عليه باش يتفاصل معاه باش يربح الماص لانه المحمدية و الماص كانوا دايزين ذاك العام، و الهدف هو تهبط خصوصا بنجرير و الحسيمة، علاش ايت منا بغى الخدمة في بن جرير ؟ قصة مشابكة غانلخصها ليكم كالتالي : ايت منا كان كيفورني على بن جرير بهدف التقرب من عالي الهمة و الرئيس ديالهم غفار كان يشد الفلوس و يعطيها للنادي على اساس انها فلوسو و ما يقول والو، قبل ما يتفضح مع منحة كورونا لي اعطات الجامعة للفرق، شدها و قاليهم هذا رزقي لي كنت نعكي للفرقة كنتسالو، ايت منا طبعا ما تسرطاتش ليه لان الهدف من التدويرة كان هو التقرب الى عالي الهمة و تجدر الاشارة الى ان ايت منا عاطي شقة للهمة في حي البارك من احسن احياء المحمدية….المهم ايت منا معروف بطل العالم فالزكير… و بغى ينت_قم من رئيس بن كرير، مازال نرجع ليكم لهاذ القصة بالتفصيل و تعرفو دور المسرول أسامة بن عبد الله فيها و العشرين مليون لي شد باش يشري الحكم…

المهم بحضور المسرول و مراد فلاح و بلقشور و الجامعي إسماعيل في مقهى فغاندي، قبل ما ينتاقلو للعراضة عند ايت منا فالدار لي تزاد عليهم المنفلوطي رئيس الطاس و مدير أمن المطارات و رئيس لابيجي ديال كازا و رئيس المحمدية غلام ايت منا الحالي أسامة الناصري…المسرول ما مشاش معاهم للدار يزرد كان فرحان بالعشرين الف درهم و الباكيا ديال مارلبورو ديال الجامعي…بينما رئيس بنجرير غفار خلاوه مرهون بحال شي شحيبر كيتسنى في الباب ديال الدار في سيارة بارتنير حتى يرضى عليه ايت منا…

الجامعي البر_هوش الغ_بار خرج الهضرة، وصلت لعالي الهمة لي غايعيط لباه الحاج مول الشكارة يتبرى منو، و يقوليه يبعد من بن جرير احسن ليه…

في اخر المطاف اتفقوا اذا ربحت الكوكب غتاخذ 100 مليون و اذا تعادلت 60 مليون …

الماطش سالا تعادل و 60 مليون جابها الشيفور ديال ايت منا في سيارة BMW لمراكش وبقات عندو حتى سالات المقابلة ونزل عطاها للمدرب وعميد الفريق وتم توزيعها في فندق wazo… و لي هبط ذاك العام هوما سيدي قاسم و الحسيمة…

سير على بركة الله….