الفرشة – Lfercha واجبنا ضد الفساد
اول امس كتبنا على ودادية النجاح و فرشنا النص*اب الأستاذ علي بولخرس (الصورة يمين) لي اعترف عند الاعتقال قبل ثلاث اشهر بعشرين مليار و شي صريف…تصرفو عليها هو و الجوج حلاقم لي معاه امين المال و الكاتب العام لي ماشي تا منخرطين اصلا.
في ذات الوقت زوجة هاذ النص*اب تاهي استاذة، السيدة عائشة أهريلة (الصورة)، و تاهيا نص*ابة، و عليها حاليا ثلاث مذكرات بحث وطنية منذ حوالي اربع اشهر، و باقا هربانة الى يومنا هذا، غبر ليها الاثر، تا الوظيفة ف ثانوية حمان الفطواكي – الدشيرة الجهادية – سمحت فيها.
لا مازال الخير، التريكة ما شاء الله عامرة، خو هاذ النص*اب المدعو جمال بولخرس (الصورة يسار) لي حتى هو كان رجل تعليم لكن تم طرده من الوظيفة من تزنيت، حتى هو داير ليك نعاماسي ودادية مسميها تيمينار، المنخرطين هاذي 12 عام و هوما معاه فالعذاب كيتسناو، و هو من معلم بسيط الى ملياردير يبدل عليهم فالموديلات، و يالله شرى أرض بربعة مليار !!!
منين جاب فلوسها مثلا و الناس باقة تسنى فمشاريعها و فالوعود الكاذبة و خوه يالله طاح سارق 20 مليار ؟!
خليوني خليوني نزيد نهبش و نرجع ليكم بالتفاصيل ان شاء الله…
سير على بركة الله…
