الفرشة – Lfercha واجبنا ضد الفساد
ياسين رئيس الجماعة الفرنساوي لي كان اليوم في ضيافة لابيجي، زلݣ بيه العود…
ياسين الطاريقي مواطن فرنسي/مغربي ابن منطقة ساندوني ضواحي باريس، يدعي أنه صديق مولاي رشيد وأنه رجل أعمال كبير، علما أنه نص*ب و كان في فرنسا مجرد مقاول ذاتي…أثناء الحملة الإنت*خابية دا أعضاء مجلس الجماعة لواحد المنطقة بمراكش وقاليهم هاد الأوطيل لي كي تبنى ديالي وهو ماليه والو، حتا من المزرعة لي عندو في واد زم عليها حجز بمبلغ 160 مليون سنتيم، انطر الصورة فالتعليق…
طلب من أحد مزودي الوقود يفرق المازوط والليسونس فابور على الساكنة ايام الحملة باش يساندوه، حتى وصلت الفاتورة ل 37 مليون سنتيم، تجدون صورة الشكاية تاهيا فالتعليق…
نصب كذلك على شخص آخر في قطيع ديال الحوليات فرقهم لنفس الغرض، و لم يؤد ثمنها، خدا من عندو العلف و التبن و قصحو في 39 مليون سنتيم … ذاق حلاوة النصب على الدراوش و بقى مستمر على نفس النهج…النصب والاحتيال حتى ولى رئيس جماعة…
ناصب على امة ديال البشر و كلشي خايف منو حيث كيدعي انه واصل و صاحب الامير، اضافة لمول محطة البنزين لي خابطو ف 37 مليون و بسبابو راه تغيب اليوم على الدورة لانه كان في ضيافة الشرطة القضائية.
هاذشي فيما يخص لي عندنا عليه الحجة، اما ما يروج بين اهل مليلة و بن سليمان، ان الفارس الفرنسي المغوار ناصب كذلك على مولات محطة بنزين ثانية في 12 مليون (متبتها حيث كيتعامل معها لشراء البنزين لسيارات الجماعة) …و مالين التبن و مالين الحفلات … و ناس اخرين كانو خايفين منو و مثبتهم بالكذوب و الكاط كاط و القفف و الحوليات ووو… كلهم غادي يزعمو ان شاء الله بعد ما عرفو حقيقتو، و يبداو يحطو الشكايات اتباعا…
حصلتي الفرنساوي…
سير على بركة الله…
الفيرمة لي عليها تعرض ب 160 مليون
شكاية النصب
