الفرشة – Lfercha واجبنا ضد الفساد
الدركيين عندهم الصفة الضبطية، صفة ضابط شرطة قضائية فاش كيرتاكبو شي خطأ، المشتكي لي رتاكبوا فحقو الخطأ خاصو يدير شكاية عند الوكيل العام، هو لي كيستامع لهاد الدركي ولا الشرطي ولا أي موظف كيحمل صفة ضابط شرطة قضائية، وهو لي كيحيلهم على الرئيس الأول لي كيعين قاضي التحقيق لي غا يحقق معاهم، و هداك القاضي ماخص حتا شي واحد فبلاصتو إيدوزوهم، هادشي طبقا للمادة 282 و 211 من قانون المسطرة الجنا.ئية…
هاد الإجراءات هي لي كتسمى بالإمتياز القضائي، لي كيضمن المتابعة في حالة سراح ديال اي متهم كيحمل صفة ضابط شرطة قضائية…
لكن فالحالة ديال هاد القضية شنو دارو ؟!
السمسار أوزا شكى بهم، هوما عطاوهم لدركيين بحالهم بحالهم، استمعوا ليهم ف إطار محضر عادي بحالا هما ارتاكبوا داكشي كأشخاص عاديين، ودوروهم بيناتهم بلعاني باش إزربوا عليهم بالايداع و دوز هانية …
ملي الرئيس الأول قال هادشي قاليهم أنا هاد المسطرة مافخباريش خاص نشوفها أنا الأول، بشهادة الموظفين ديال المحكمة و المحامي لي كان طالب وثيقة الأمر بالإيداع، و والو مبغاوش يعطيوها ليه النهار الأول، حيث قاليهم نتوما ما شلكتوش المسطرة ديال الإمتياز القضائي، عاد ناضو شدو داك الأمر بالإيداع لي كيتكتب بستيلو وكتبوه فالبيسي (الحاسوب) وزادوا واحد الفقرة كيقولوا فيها بلي راه الرئيس الأول اطلع على هاد المشطرة وراه عين قاضي التحقيق سميتو ايت عيسى…
كون كان هادشي صحيح مكانتش الاستاذة أباضا غادي دوز الملف ديالهم اصلا، ثم الاهم و لي ساهل التحقق منو، فالعنوان لفوق فالمواد باش تابعوهم بقوة ديك الزربة ماداروش المادة 281,211، نساوها مكانوش عوالين هدشي غايتفرش و يتفضح التواطؤ ديالهم…
المحامي دابا طعن فداك ملتمس الإيداع حيث فيه خروقات، وراه بغا يحول الملف من سطات إلى محكمة اخرى بمدينة اخرى…
اذا كذبتونا سيروا سولو المحامي …
الله يبين الحق…
Voir la traduction
