سي الخمليشي عامل الجديدة، هاذشي واقع عندك و حبذا لو تكرز عيش خويا، زير معانا…

دوار الجوالة جماعة وقيادة اولاد حمدان إقليم الجديدة كيموت بالعطش، و السبب : الرئيس استتناهم من عملية الربط بالسقايات حيث متيصوتوش على المستشار التابع للرباعة ديالو، الدوار فيه أكثر من عشرين منزل بلا ماء وهو جتب الماء من دوار القدادرة لي عبارة عن جوج ديور يالله تبناو حيث تيصوتو عليه، وخلا دوار الوسط بلا ماء ! ( سكان الدوار مابين المطافي وحيط نخل )

والشكاية (انظر التعليق) عند العامل تيطلبوه يعتقهم من بطش هذ السيد رئيس الجماعة عبد اللطيف اكريم عن حز**ب الاستقلال (صورة المنشور)، بغاو غير شريبة ديال الما فهاذ الكايلة لي ضاربة البلاد فقط…

اسي العامل، الشكاية وقعوها هاذ الناس من اجل الحق في الحياة، بش يشربوا ماشي بش يضغط عليهم الرئيس ويقول ليهم علاش وقعتوا الشكاية ؟!!

علاش اسي العامل ما ضغطتيش تانتا على الرئيس في ملف الاعتداء على الجيلالي مبروك أصغر عضو بالجماعة وهو رئيس لجنة الشبيبة والرياضة معمرو خذا المستحقات ديالو ؟

علاش ما ضغطتيش على الرئيس فب عمليات الترهيب والاعتداء أثناء الحملة الانتخابية حتى نجحوا صحة ؟

علاش ما ضغطتيش على الرئيس بخصوص سيارة الإسعاف لي زادو فيها 50 درهم ولات ب 150 dhs و صوتو عليها الاغلبية بالإجماع؟

علاش ما ضغطتيش على الرئيس بخصوص جمعية الأنوار للتنمية البشرية لي اعطاهم النقل المدرسي و الخزانة و دعم 62 مليون و تيتخلصو من التلاميذ 100 درهم فالشهر ؟

علاش ما ضغطتيش على الرئيس بخصوص دوار الرمولة لي لازال بدون كهرباء ؟

يتبع…

سير على بركة الله…