الفرشة – Lfercha واجبنا ضد الفساد
اخبار الخير من الداخلة…رغم الصعوبات…و قراو تالخر باش تفهمو علاش قلت رغم الصعوبات…
اعتقال جمال بوسيف رئيس غرفة التجارة و الصناعة و الخدمات المقرب جدا من البرلماني الاستقلالي و عضو المجلسين الجهوي و البلدي و صاحب فريكو كذلك لي اتهمت الفرشة انه كياخذ جطو من تهر*يب الاخطبوط الى جانب سعيد اللحية (صورة البارون البرلماني فالتعليق)، قلت اعتقال البيدق رئيس الغرفة بتهم تهريب المعسل و السجائر، و اخبار عن تكوين عص*ابة للهجرة السرية و تهريب المخد*رات…
تهمة المخدر*ات ما جبتهاش من راسي، سبق و اتهمو مباشرة أعضاء المعارضة البرلماني قبل ما يقلبو الفيستة كلهم و يرجعو أغلبية مع البارون في إحدى الدورات، التدخلات موثقة بفيديو، نتحدث تحديدا عن الناجم بكار، المامي رمضان، يحفظو بريك، محمد بوبكر، و حتى منى شكاف براسها مرت التامك نسيبة اللحية…هاذو كلهم اتهمو البرلماني البارون صاحب الفريكو في جلسة مصورة مباشرة بتهريب المخد*رات، و مع ذلك من بعد مشاو معاه كلهم للاغلبية باش تعرف را غير الشف*ار على خوه…تجدون الفيديو لي كيوثق الاتهام الصريح فالتعليق.
غير باش تفهمو انه اللحية حاكم كروة الداخلة و لا شيء يعلو على كلمة و رغبات الش*فار نسيب التامك و حبيب كارطيل اخنوش فالصيد البحري…الفيلم كلو من تأليف اللحية و من وراءه باش يحيد من طريقو منافس قوي في نهب خيرات الصحراء، ذاكشي علاش عنونا المنشور ب خبار الخير رغم الصعوبات…
بيدق صغير ديال الفساد حيد من الطريق اي نعم ، لكن الكبار مازالو يتحكمون في خيوط اللعبة في البلاد المثقوبة…
و لا حول و لا قوة الا بالله…
سير غير سير على بركة الله…
ايام المعارضة قبل ما يقلبو الفيستة و يولي حبيبهم
