الفرشة – Lfercha واجبنا ضد الفساد
سي الحموشي ما حدك فاكادير هاذ الاسبوع، و الله ما عرفت واش مطول و لا رجعتي عند وليداتك و لكن، ربي لا ما سول مرؤوسيك فالمدينة، قوليهم واش باقي ما لقيتوش الملياردير الهارب في قلعتو (صورة القلعة جصريا فالتعليق) المدعو الحسين تاكانت (صورة المنشور) ؟! حيث اسي الحموشي ملي قلنا بلي لي دار شي جري.مة و بغى يتخبى، ما عليه غير باكادير…غير يوجد الكموسة…كان عندنا الدليل، هاذ خونا مثلا، واش غلبكم اسي الحموشي ؟!
اسمع يا مواطن، الملياردير الهارب من خمس سنوات نافذة المدعو الحسين تاكانت، لي شادين من عندو الوكلاء، واش الوكيل العام فتاح و لا نائبه بلعسري، مئات الملايين مقابل يقلبو وجههم عليه، اشنو دليلنا ياك ؟!
هاذ بلعسري بكثرة ما واكل، بلغت بيه الجرأة يجاوب شريك الملياردير فالجريمة لي دوز عقوبتو خمس سنين د الحبس، و ملي خرج راسل النيابة العامة يستفسر علاش الملياردير شريكو فالإدانة بحكم نهائي قطعي ما اعتقلوهش و دوز العقوبة ديالو بحالو و بحال كاع المحكومين فالقضية، و باقي حر يسجل العقود و الشراكات بحالا ما وقع والو، جاوبو نائب الوكيل لي مخدم بنتو عند نجم الفرشة زعيم كارطيل اكادير ايدبيشو، كما ترون في التعليق كتابيا، قالو اش بغيتينا نديرو، كنمشيو ليه ما كنلقاوهش 
واسي الحموشي، واش دولة على قدها عاجزة تلقى هارب من حكم نافذ علما اننا سبق و اعطيناكم لوكاليزاسيون ديال الضيعة القلعة ديالو (انظر التعليق)، و اعطيناكم حتى الاسبوع لي هرب عند ختو ملي حيحت عليه Lfercha الفرشة المليونية، و امن و درك اكادير دار و باقي، هبل تربح ؟!
الفرشة تتعهد دائما بنشر الدليل، الملياردير الهارب المبحوث عنه كيعقد الشراكات الفلاحية نعاماس و كيوقع العقود بحالا ما عليه وااااالو…غاتلقاو فالتعليق كما اشرنا اعلاه، عقد شراكة فلاحية دارو الملياردير الهارب السنة الماضية فقط، و ما كيديكلاريش هاذ النوع من العقود طبعا، من جهة باش ما يتفضحش، و من اخرى باش يتهرب من الضريبة… واييه مدان بالنافذ حكم نهائي و يتهرب من الضريبة في اجمل بلد في العالم، و لكن تبقى المشكلة هي مول الفرشة خايب و مزغب…
حاليا مازال ساد عليه فالفيرمة ديالو فاولاد سعيد و ساد البيبان و ساد رقمو فالمغرب و داير رقم من خارج أرض الوطن كيوهم بيه الناس انه على برا… و الدرك و الامن باقين كيمشيو يسترزقو من عندو على رأس كل اسبوع ملي كيبغي يخلص الخدامة لي كلهم خدام بنهارو فالنوار، و كذبنا عليكم اسي الحموشي ياك ؟!
سير على بركة الله…
