الفرشة – Lfercha واجبنا ضد الفساد
باش تفهمو تهمة الباطل لي تحطات على المستثمر (حسن العمراني) وصاحبو (احمد الشويعر)…
ما وقع انه تم استغلال خروج الوكيل العام بمحكمة العيون السيد ( محمد الراوي ) ورئيس الأول لمحكمة ديال الاستئناف في العيون ( ابراهيم بن تزرت ) وتم اللعب بمصير ملف قانوني من اجل الزج بحسن العمراني فالسجن ظلما.
فمن بعد ما المحكمة الفاسدة فالداخلة أعطات سراح للمدعو (البهجة) وتدخل الوكيل العام بالعيون ووكيل الملك بالداخلة لي طعنو فقرار المحكمة ديال الداخلة ورفضو لو السراح، كارطيل اللحية فالمحكمة الابتدائية بالداخلة استغل فرصة (الكونجي) ديال الرئيس الأول لمحكمة العيون والوكيل العام باش اصيفطو حسان العمراني للحبس.
وكلكم ايها الفرشاويون والفرشاويات شفتو كيفاش خرجات تسجيلات الصوحافي الانفصالي التابع لكارطيل اللحية وهو يحاول شراء مواطن من اجل توريط حسن العمراني في ملف الهجرة السرية، وبالرغم من فضح القضية، النيابة العام في الداخلة والمحكمة الابتدائية بنفس المدينة ما تحركاتش وصيفطات المظلوم وخلات الظالم.
حسان العمراني الملف اللي تصيفط عليه كان ملف ديال شيك لحد الساعة ما عارفناش علاش مدروش (لحسن العمراني )و (حمد الشويعري ) الخبرة على الخط اللي تكتب بيه الشيك، كما انه ما معروفش علاش ما تعتاقلش الشخص اللي استالم الشيك اول مرة.
حسان العمراني واحمد الشويعر دخلو فاضراب عن الطعام مباشرة من بعد هاد الحكم الظالم بإحالتهم على السجن المحلي فالداخلة، وهو اللي خلا نائب الوكيل وقاضي التحقيق فالداخلة اعاودو يعيطو ليهم اليوم. خصوصا وأن هناك انتهاكات خطيرة تعرضو ليها فالسجن المحلي من طرف ولد.شحيبر اخر ديال اللحية نائب المدير ديال الحبس المدعو (عمر الابسط صورة المنشور) ، واللي ما خلا ما دار ليهم من ضرب وسب وشتم وانتهاكات حاطة من الكرامة الانسانية.
هاد الشي اوقع بالرغم من الاستقبال الانساني والجيد اللي استقبلهم مدير السجن المحلي فالداخلة، لكن النائب ديالو المعروف بالسمسرة ديالو مع السجناء، كان باغي اصفي حسابات شخصية مع حسان العمراني ولقاها فرصة من اجل انتهاك القانون فمؤسسة عمومية من المفروض انها تضمن كرامة السجناء قبل كل شئ. وعلى العموم ثقتنا كبيرة في الوكيل العام والرئيس الأول للمحكمة في العيون…
سير على بركة الله….
