كار_طيل سطات، التسلييييم…

مصطفى الحبشي لي ضرب الضحية بمدرا و ثقب ليه ظهرو و ريتو و صيفطو للانعاش باقي حر ما شدوهش اكثر من عام دابا ما لقاوهش، باقي يدخل و يخرج لدوارهم هاااانية، شدو غير خوه لي ضارب بحجرة و خلاو مول المدرا.

السمسار محمد العماري الملقب ب اوزا صاحب اكثر من ربع قرن سوابق، لي تفاصل مع الجاني و صايب ليه شهادة طبية و حصل بالسيارة مسطوكيا بالدوا المهرب و الجناوا و الشواهد الطبية مزورة و السجلات العدلية على بياض و الفلوس و بلا ورقة بلا بيرمي، شدوه بزز ضربوه بخمس سنوات و لكن باقين خدامين عليه صح ما يتمكن باش يطلقوه و يفكو نواب الوكيل العام المتورطين، غير اليوم كانت عندو غرفة المشورة باش يديرو ليه متابعة في حالة سراح قاليهم بغيت نخرج نشوف بنتي نصايب ليها الأوراق…

الطبيب ولد الفشوش زايد الجنايني لي صايب الشهادة الطبية و الله ما جابوه و لا شدوه.

نواب الوكيل العام فيصل مثيق و نبيل مستظرف المتورطين مع السمسار المذكورين في التسجيلات عيني عينك تاهوما باقين احرار ما جابوهم ما شدوهم، و الشكايات لي حط السمسار ضدهم تم حفظها للانكار

الدركيين لي كنشو للسمسار و هبطوه و دارو خدمتهم كما يجب، شدوهم البارح و عوالين يلبسوهم البردعة اكباش فداء بالباطل و البهتان…بعدما حط بيهم السمسار شكاية اول الامر ما جبدش ريحة التوقيع و اربع أشهر من بعد عاد تذكر التوقيع و قاليهم الدركيين زورو التوقيع ديالي

تا را والله تا مسكية بكراع قرد…

Voir la traduction