مافيا الرمال…. وذر الرماد في العيون لحماية الشف*ارة بإقليم الصويرة …

قبل يومين خرج الدرك الملكي لمجموعة من المقالع وتم توقيف مجموعة من أرباب المقالع، بإستثناء مقالع الرايس كبير المعاشي رئيس المجلس الإقليمي، و الرايس محمد الفيدي رئيس جماعة سيدي إسحاق، و مقالع ورثة عبد العاطي ومحمد الكرامصي، مع العلم ان أرض محمد الكرامصي تهزات منها 5000 شاحنة تقريبا (هاذي هي لي تحطات فيها شكاية عند العامل و عند وزارة التجهيز و عند الرايس بقات غير الأمم المتحدة…. الشكاية تجدونها فالتعليق)

واذا جاتكم كثيرة نشرحوا ليكم بالخشيبات، فمن شهر 1 حتال شهر 5 مكانوش مقالع آسفي خدامين كان كولشي كيتشارجا من سيدي إسحاق او أقرمود، يعني راه كانت كدخل حتال 500 شاحنة في النهار، ودابة ملي مقالع أسفي خدامين راه كدخل 150 شاحنة، بلا مانهضرو حاليا على الديبو ديال الفيدي لي كاين في دجايجيين بايت قاسم لي فيه تقريبا 400 فاياج ديال الرمال ولي كلها تهزات من البحر…

وباش نرجعوا للأسباب لي خلاتهم ميقربوش من مقالع المعاشي والفيدي، السبب واضح ووضحناه في المنشور السابق، فالشفارة عندهم اديهم في التجهيز وأولهم المدعو الصحراوي بمساعدة حسن ولد اليوسفية للي تيهضر بسميت مدير التجهيز، ولي كان مجرد سائق في التجهيز ودابا بنا الفيلا نعاماس فعين الحجر جماعة حد الدرى إقليم الصويرة، وكيبني فيلا أخرا في اليوسفية.. هذا غير الشيفور…

السلطة دارو خدمتهم غير على الناس صحاب المقالع الصغيرة، وصحاب الأراضي تعتاقلو وغدا غادي يدوزو عند الوكيل باش اسدوا الملف …و الشفارة الحقيقيين و الله ما دوى معاهم

براكة من القوالب وجيبوا المعاشي والفيدي، رآه ماشي بالتصاور مع الوزير الزيفوطي نزار بركة باش غا تسكتوا الفرشة…

سير على بركة الله….