أخبار عاجلة

ما وقع و يقع فالصخيرات، كارثة بكل المقاييس…

الفرشة


دوار الشياحنة كعدد من الدواوير بين الصخيرات و تمارة، داز عندهم الاحصاء فالصيف، الامور دازت عادية، علموهم بلي غاديين يمشيو الشقق ديالهم، فشهر اكتوبر كانت عندهم القرعة، قالو ليهم جمعوا الملفات، اغلب الناس كيترفض الملف ديالهم حتى كيعطيو الفلوس للمقدمية (ب.ا لي ردوه من التقاعد مخصوص، ح.ط و ع.ك)، ابتداء من 200 درهم حتى 5000 درهم، و لا ما عطيتيهش كيقوليك عنداك يشدك الرادار ! او المقولة الشهيرة “ستيلو كيكتب من لتحت وكيمسح مول الفوق” …ملي كتمشي الناس عند المقدم كيقول ليهم مطلعتوش عندي فسيسطيم…باش تجبد الفلوس، ملي كتجبد الفلوس، كطلع فسيسطيم…

نهار القرعة، شافو ناس حاضرة علما انها خرجات من الدوار أكثر من 20 سنة وجات تستافد، وناس عمرها سكنت اطلاقا تاهيا جات تستافد، وناس عندها الاملاك وديور فالمدينة أو خارج المدينة….

و بسبب الرشوة و الخشونة الكبيييرة لي دارت من طرف اعوان السلطة و رجالها، عدد من اصحاب الحق تم اغتصاب حقوقهم و تشريدهم عاين باين…

إليكم بعض الحالات لي كتستدعي فتح تحقيق مستعجل بالحجة و الاسم لا بغيتو تخدمو و تردو الحقوق لأهلها، قبل ما نبدل المرقد للصخيرات ان شاء الله…

🔴 المسمى ع.ش خدام فالمقاطعة، عندو دار في عين الحياة، استافد تاهوا بمحل حدا الجامع، واستافدات ختو نورة وخوه حفيظ وخوه بوشعيب.

🔴 أسرة السياسي ا.ق، استفدو 3 من اسرتو علمل ان عندهم الاملاك في عين الحياة خرجوا من شياحنة سنين..

🔴 المدعو ع. عندو مقهى في الصخيرات، عمرو سكن في الشياحنة كيفاش بنتو صغيرة استفدت ؟ معمرها سكنات !!

🔴 كيفاش استافدت أسرة المقدم ب. بنتو والاخ ديالو ساكن فسلا ؟

🔴 كيفاش استافد س. ساكن في عين العتارس كياخد شهادة السكنى من تم و استفد ؟!

🔴 كيفاش استافد ك.ع ساكن في الريصاني ؟

🔴 الكارثة العظمى هي اربعة ديال الأسر، جوج ايتام وجوج عيالات ماعندهمش الراجل، كانو كلا و دارو ناضو شركوهم فشقة واحدة…

يتبع…

سير على بركة الله…


شاهد أيضاً

ناصري فك المسر.ول من الحبس غير هاذ الصيف، هاذشي علاش قلب وجهو…و البلاد مثقو.بة…و ها علاش ما تشدش في قضية التذاكر…

و لكن المفاجأت و الشهود غايكونو فاللايف ان شاء الله….٨ المسر.ول كان غادي عند ولدو …

تم حظر صفحة Lfercha الفرشة لمدة شهر

في انتظار استرجاع صفحات الفرشة، هاذي هي الصفحة الاحتياطية الجديدة 14/02/2024


This will close in 30 seconds

error: Content is protected !!