أمانديس طنجة، الفرشة تبدأ مسلسل فضح الخروقات المسكوت عنها…

الفرشة واعدتكم باش تحط ليكم كل نهار شوهة ديال سمكة كبيرة من شواري الحوت الخانز ديال أمانديس، و حنا عند وعدنا و غانبداو اليوم سلسلة فضائح زبناء من نوع خاص، كيسرقو الملاين، و ملي كيحصلو كيتفاصلو معاهم فالنوار، إما بالتراضي او عن طريق الابتزاز، كينهبو الثروة المائية و يضيعو على الدولة اموال طائلة، على عكس الدرويش لي الا تعطل غير شهرين على فاتورة ب 500 درهم او اقل، كينتفو ليه المكانة !!

فرشة اليوم إذن تتعلق ب بوطونية ديال الكرابا تابعة لشركة واحد إسباني، سميتها بوطونية فافيريا، حصلوه سنة 2014 مبرونشي من تحت الارض مباشرة من القادوس الكبير لي كيعطي لبني واسين…نهار حصل دارو ليه محضر فيه 80 مليون خطية خاصو يخلصها (انظر الصورة) …

اليوم بعد مرور عشر سنوات على المخالفة مازال مول البوطونية ما خلصش الخطية، و باقا عليه 40 مليون ما مخلصاش إلى يومنا هذا !!!

الصورة لمدير الزبناء م.ر، لي دار فيلا فخمة فوقت قياسي…ربما يكون عندو جواب على فضيحة اليوم ؟

سي م.ر، ما تخاف ما تدهش، لست وحدك لي غايطلع للعمارية…

سير على بركة الله…