الباشا نوال صحيبة القايدة بثينة، الجزء الثاني من مسلسل رية و سكينة…

بثينة كوارة تلقت دورات تدريبية في الدوري المحترف على يد نوال عسكري، القايدة اللي كانت قبل منها في دائرة اولاد صالح، العلاقة الطيبة اللي بين نوال و محمد بوزوبع و شركة GARAN المشبوهة لي فصلنا فالخروقات و الاختلاسات لي كتدوز باسم هاذ الشركة لي مسيرها بالمناسبة مدان بالحبس النافذ المدعو احمد السروي، المهم الباشا نوال ما قدراتش تمشي لديوان العامل وتخلي شي واحد يلقى الخواض والتلاعبات ، جابت صاحبتها بثينة باش تغطي على المصائب اللي دارت، منهم الوداديات اللي كلهم دابا ف المحاكم، إما على الرخصة أو على تقسيم الملكية.

أكثر من 40 ودادية معلقة و اصحابها معلقين ما عارفين شنو يديرو، المشروع ديال الوداديات والآبار اللي بلا رخصة ما كانش مسلك، كان خاصهم شي مشروع نيت فين ياكلو ، جات نوال بدات تاخد الاراضي من عند GARAN ب 3000 درهم للمتر وتبيعها ب 4000 ( نقل الملكية فالنوار ) سولو اصحاب الاراضي، كلهم شراو عن طريق نوال او بثينة أو الكاتب العام، وتواعد الناس أنه مشروع فيه جميع الأساسيات، من مدارس و مستشفيات و ادارات حكومية….. لكن لحدود كتابة هاده الأسطر المشروع عبارة عن خلاء ، والناس اللي شراو الأراضي ما بناوش لأنه مستحيل تعيش وسط صحراء قاحلة.

جا واحد المشروع اللي كلاو فيه الملايين هو مشروع الوادي الأخضر اللي تبنى على أرض GARAN، وهو ما عندو لا رخصة لا تصميم لا شهادة ملكية ، حتى بداو المتضررين يلجؤون للمحاكم، عاد بوزوبع حول الملكية العقارية ل الوادي الاخضر ، هاد المشروع الوهمي كان بمباركة السيدة نوال ، اللي كلات وشربات فيه ، وعندها حتى هي شقة ف GARAN بحال بثينة ، هاد الشقة غير خضرة فوق الطعام…

يتباااع…

سير على بركة الله…