الفرشة – Lfercha واجبنا ضد الفساد
سي أحمد خليلي ( بنسماعيل ) زير السمطة باش ننطلقو، غانبداو معاك باليسير، القضية فيها غير واحد المليار و 400 مليون سنتم صاااافي ، بغيت نسولك حمباباك على واحد المشروع اجتماعي ديال عمال شركة أمانديس طنجة فحي عين الحياني ( كاليفورنيا)، مسبح بمواصفات عصرية (انظر صورة المشروع فالتعليق ) وشي مرافق تابعة ليه لي كان من المفروض يتفتح فوجه هاد العمال ووليداتهم فسنة 2011، وترصدات ليه ميزانية من الجمعية لي كترأسها والقدر ديالها مليار و 400 مليون سنتم، ومن بعد قبرتوه وخليتوه حبر على ورق، ماعدا فلوسو درتي ليهم ماكيدير زعطوط لفلوس اللبن، نتا ومحمد زفاف والعص*ابة ديالكم كل واحد خدا حقو من الكاميلة، ونهار توقعات أول حاجة هاد المشروع فسنة 2011 ثمن البناء ديالو حسب مختصين في الميدان مكيتعداش 600 مليون على أكثر تقدير .
توضعت ضدك شكاية (انظر التعليق ) لدى وكيل الملك بابتدائية طنجة من طرف مجموعة من العمال، و تم استدعاءك من طرف الشرطة القضائية بولاية أمن طنجة سنة 2018، و نكرتي كلشي وجمعتي وطويتي، مع أن الوثائق تثبت العكس، يعني نتا شافر مليار و 400 مليون فمشروع واحد وكاذب وناكر فمحضر رسمي، وطلقوك حيت شاري الطريق كيفما كتقول…
سنة 2020 بديتي ثاني فالمشروع بنفس المهندسة وفنفس الوعاء العقاري وبنفس الميزانية، حيت شارو عليك بأن المشروع خاصو يتبنا حيت ايلا وضعو المشتكين دعوى فالمحكمة غادي تمشي للحبس نتا والزفزاف محمد وكاع لي ضرب معاكم من المشماشة ، لكن المشروع الان واقف حيت جمعية الأعمال الإجتماعية وصلتوها للرقم صفر لدرجة ماخلصتوش CNSS وتم الحجز على حساب الجمعية فشركة أمانديس طنجة لي حتى هيا وقفات عليكم الفلوس، حيت غرقتوها كريديات…
جاوبنا حمباباك كيفاش درتي مقولب العمال ومقولب شركة أمانديس ومقولب الشرطة اسي الحاج 12 حجة ومسؤول نقابي عمرك 84 سنة يا حسرة ؟!
يتبع… مع فلوس الأرامل فالتأمين على حياة أزواجهم لي توفاو وخلاو أرزاقهم أمانة فعنقك وغدرتيهم…
سير على بركة الله….
