الفرشة – Lfercha واجبنا ضد الفساد
السيدة زينب ديري غير شي حاجة يذكرها ليك التاريخ و الشعب المغربي، من نهار قلزتي فوق ذاك الكرسي شحال من مسؤول شفار مشى للحبس ؟ مبديع قصتو بدات قبل منك !!
الكرة دابا عندك السيدة زينب العدوي رئيسة المجلس الأعلى للحسابات، بعد العريضة لي توضعات بالمقر الرئيسي موقعة من مئات العمال النشيطين والمتقاعدين فوكالات وشركات توزيع الماء والكهرباء والتطهير السائل بالمغرب بتاريخ 09/11/2023، تجدون نسخة منها فالتعليق، بعدما تدخلو شي أشباح وضمصو الشكاية لي توجهات من جمعية حماية المال العام فرع الدار البيضاء فنفس الموضوع لي تحطات عند الوكيل العام للملك فمحمة الاسثئتاف الدار البيضاء والتذكير ديالها بتاريخ 28/12/2018 (انظر التعليق).
هاد المافيا ديجا كتبنا عليها فصفحة الفرشة اكثر من مرة ومزال مصائب كحلة كتسنى ساعتها باش ننشروها، بطل هاد الفضائح هو بارون جمعية الأعمال الإجتماعية والمسمى أحمد خليلي الملقب ب ( بنسماعيل ) وبنتو وولادو ومراتو والعائلة ديال مراتو ومجموعة من الشفارة فهاد الجمعية، وكذلك التعاضدية لي كيسيرها المستشار فمجلس المستشارين والمتقاعد من شركة ليدك فتاريخ 13/11/2023 علوش بوشعيب (الصورة فالتعليق ) ولي كاين الهضرة على محاولات باش يديرو ليه تمديد فليدك عاماين أخرى هروبا من المحاسبة وتسليم المهام .
السيدة العدوي، هاد البارون عندو ناس نافذين ويديهم موسخين بحالو، هوما لي فكل حفرة كيطيح كيخرجوه منها، ويخرج يقول الفلوس كيحلو الطرقان ويخرجو الظالم مظلوم والمظلوم ظالم، جمهور الفرشة كيتسناو خبار الخير فهاد الموضوع باش نبشرو الشعب أن البلاد مزال بناسها لي دار فيهم ملك البلاد الثقة وكانو قدها…
يتبع…
سير على بركة الله…
