السي عامل إقليم خريبكة و السي رئيس قسم الجماعات المحلية والسي الكاتب العام : ملي ماشغلش العمالة شغل من داخلنا عليكم بالله ؟؟

باش نبسطو ليكم الفظاعات اللي تايقترفها مجلس لكفاف في حق الحكامة والمرفق العام والموظف لي سميتوه “الهجين رويس الطعيريجة ولد لحرام والمثلي !! ” نحاجيوها ليكم بحال لخرافة…

1- شحال من شكاية وصلاتك من عند الموظف لصكع منذ سنة 2018 ،وقيلة شي 40 شكاية ، واش عمرك تدخلتي ولاجاوبتيه باستثناء الجواب اللي بنا عليه الرئيس السابق وقطع ليه 3500 درهم من الراتب ديالو ؟

2.دخلت عليك بالله، كيفاش الموظف غادي يباشر المهمة الجديدة ديالو (تدبير منصة مجالس) والمكتب ديالو مافيهش الضو ؟ إلى كذبتي سول القائد والخليفة و قائد مركز الدرك الملكي بالكفاف اللي عاينو المكتب ، ولا شوف شوف هاذ المحضر المنجز بناء على أمر قضائي اللي شافو رئيس قسم الجماعات المحلية اليوم وقال للموظف ماشغلنا التدبير الحر هذاك ( المحضر في تعليق ).

3-نعام سيدي فتحتي تحقيق بخصوص هدم 04 دكاكين في ملكية الجماعة وضمها من طرف الموظفة الجماعبة نجاة الشباكي اخت الشيخ لإحدات مقهى عشوائي ينشط بدون ترخيص لحد الساعة، وتبين أن الملقب بإبليس المدعو تونسعدي (الصورة فالتعليق) نائب الرئيس هو لي باع ليها الدكان رقم 6 ب 30000 درهم ملي كان عضو في 2016، وهو ماصرح به في محضر الضابطة القضائية اللي طلعكم عليه الموظف ، و النتيجة شنو درتي اراس الطارو ؟! المقهى باقة خدامة الموظفة كاتدخل الروسيطة، والموظف تم الإعفاء ديالو .

١

4- الموظف المنكوب سبق للعصابة عفاتو من مهمة ضابط الحالة المدنية بعد ما رفض يعطي ويحين عقود ازدياد مزورة تخص المواطنة (ن -ب)اللي نقصو ليها 5سنوات من عمرها بدون حكم ، وبعد مارفض يضيف الأسماء العائلية لأمهات الراغبين في التجنيس بدون حكم ، وبعدما سرقو ليه الختم الإسمي ديالو واستعملوه في تزوير شهادة الخاطب (عازب) ونسخة كاملة حذفو منها بيان الزواج وقلدو التوقيع ديالو باش يزوجو فحل وادي زم بالزوجة الثانية مقابل 7000 درهم ، ولصكع كحل ليام تعرض للمحاكمة من 2018 حتى 2021 . على فكرة الزوجة الثانية من تقدمت بالشكاية وليس الموظف ، الموظف كان متهم أ السي القايد وناس العمالة ماتكذبوش .

5- واش من نيتكم توقع خروقات ترقى للمستوى الجنائي تتعلق بالتدبير اليومي للإدارة وملي يشكي الموظف تقولو ليه سير المحكمة ؟!

06 – القائد ورئيس مركز الدرك الملكي واعدو الموظف اللي اعتاصم بالجماعة يتدخلو باش يعطيوه مكتب لائق أو يردوه للحالة المدنية أو للممتلكات وفي الأخير قالو ليه الرئيس قالينا حتى نشاور النواب ديالي ، واش النواب عندهم الحق في تدبير الشؤون الإدارية ،فين المادة 64 من القانون التنظيمي ؟

واش عرفتي السبب أ السي العامل الرئيس باغي يبيع السوارت ديال الدكاكين والديور وباغي يتستر على الحجم الكبير للخروقات في الحالة المدنية اللي تحولات لمقاولة لاستعمال شفرة الحلاقة في تزوير الرسوم ..طل طل ولا نطلو في بلاصتكم .

07 -النواب محتلين 03 المكاتب مجهزة والموظف كالس في خربة مفرش حصيرة وبلا ضو في زمن الرقمنة ومن فوق هاد الشي السلطة كاتفرج والرئيس مسمي البيرو تازمامارت !!! صورة المكتب فالتعليق.

08 – نفس نائب الرئيس تونسعدي الملقب بابليس لي باع حانوت جماعي وسرق وثيقة البيع (تنازل عن دكان ) ملي فلت من تنازع المصالح و ما دار معاه العامل والو، تماطى لمؤخرة الموظف كايتحرش بها و اتاهمو بالمثلية واللواط، والقهوة بقات خدامة بلارخصة .

تاسير لكفاف إلى بغيتي تزيد الزوجة الثانية ولا تربي دري وتنسبو ليك وتغير مواريت والشرع و…. تاسير على بركة الله….