الفرشة – Lfercha واجبنا ضد الفساد
و باش نعرفوك اسي الوالي المحترم رجل قانون ديال بصح… ربي لاما دي معاك ذاك الجيش لي رافقك في مهمة تصوير توزيع القفف الرمضانية على الدراوش في نواحي طنجة من جندارم و بوليس و سلطة و مخازنية و مساعدات اجتماعية و صحافة، باش تحرر الملك العام داخل أسوار و محيط المرفق العمومي محطة اولاد زيان من المهاجرين غير الشرعيين لي ارتكبوا و لا زالوا جرا.ئم ضد مسافرين وصلت للقت.ل…و شوف معاك ذاك المدير نيت علاش ذيك الروصيتا مسخت…و دير ليا نعاماسي واحد audit خفيف ظريف، و شوف شحال من كار كيخرج فالنهار و شحال ديال الصنك كيدخل لخزينة المحطة…
ذيك المحطة اسي الوالي المحترم را ولات مست.عمرة، ربي لا ما بين للساكنة البيضاوية و للمغاربة و لملك البلاد، انك مع القانون في المطلق ماشي غير على الدراوش…
اشنو، ملك عام تاهذاك و لا ماشي ملك عام ؟
سير على بركة الله…
