الطواجني السمسار مهما اختلفنا معاه و مهما كان خس_يس، سبحان الله، غير دوا على الهبيل وهبي ضربوه بعامين و عاودوه بأربعة فالاستئناف، في ظرف قياسي، شهرين من الزمن !!!

بينما على سبيل الذكر لا الحصر :

قضية كازينو السعدي لي مدان فيها البر_لماني الاستقلالي ابدوح و البامي رئيس مقاطعة سيدي يوسف بن علي نكيل بالحبس النافذ، 17 عام باش تحكم، و اربع سنوات و هي غي فالنقض.

قضية البر_لماني التقدمي بايزيد المدان بالحبس النافذ وصلت لسبعين جلسة فالاستئناف.

قضية المرحوم امين شاريز، اصحاب التسجيلات المفضوحة تحكموا بالبراءة.

قضية تعdيب الفيليبينيات، لي بطلها يوسف ظهير رئيس المكتب المديري ديال الكوكب و لي بسبابها كنسميوه بمول الفلبينيات، لي كان هو و مرتو محتجز جوج فيليبينيات، نكلوا بيهم تنكيل، حتى جاو غير هربانين عند البوليس كلهم مكويين فلحمهم و واكلين العصا، خرجوه براءة هو و الحاجة نبيهة مرتو.

سير اودي سير على بركة الله…