الفرشة – Lfercha واجبنا ضد الفساد
قبل مانشروا صور وحجج فساد السلطة المحلية في تارودانت،
نبداو بمسار واحد الخليفة زعيم ما*فيا البناء العشوائي وقطع أشجار الزيتون بباشوية تارودانت عمالة تارودانت .
جا من أولوز بعدما عطات ريحتوا في منطقة الفيض وأولوز في البناء العشوائي وحفر الآبار في العالم القروي، و لي جابوا من أولوز سنة 2012 هو العامل السابق فؤاد المحمدي بتدخل خاله مدير ديوان العامل محمد أحدوش .
هاد الخليفة كايسموه الخليفة المدلل والمتنقل بين جميع المقاطعات بباشوية تارودانت، لكن الغريب والعجيب أن هاد الخليفة مدلل بزاف مكايبغيش يكون خليفة ديال شي قائد، كان متمرد على القياد وكان كايفرض على المسؤولين من باشوات ورؤساء أقسام الشؤون الداخلية دائما بمباركة مدير الديوان، هو لي يكون مسؤول على المقاطعة يعني مسؤولية قائد، وفعلا كايعطوه رئيس المقاطعة .
كايسموه المتنقل لأنه دار على المقاطعات بباشوية تارودانت، وسيفطوه لقيادة أحمر الكلالشة ومن بعد سيفطوه لباشوية سبت الكردان، كل هاد البلايص فاش داز كان كايخلي البصمة ديالوا في الخروقات.
ملي بحثنا على شكون لي كايحميه كانلقاو المسؤولين المباشرين ديالوا، يعني القضية فيها إن والكاميلة كبيرة و غادي تشوفو بالحجج ان شاء الله على صفحتكم…
غادي نرجعو المقاطعة الأولى ( أحفير ) و خروقات دارها أكبر سوق في الإقليم لي كايجيو ليه كل ساكنة الإقليم الذي يضم 89 جماعة حضرية وقروية .وكان هاد الخليفة دائم الصراع مع رئيس جمعية النور للتنمية والتضامن لتجار وحرفيي جنان الجامع ومحيطه بسبب خروقات الخليفة لي كايدير داخل السوق ومحيطه .
و نعرجو على المقاطعة الثالثة (سيدي بلقاس ) و جرا*ئم قطع أشجار الزيتون، والبناء العشوائي بمنطقة الحصن والزيدانية و بوتاريالت البرانية و أرودان وزاوية سيدي داوود …
و ندوزو طبعا على المقاطعة الرابعة ( نديم ) و ما دار فيها من البناء العشوائي وقطع أشجار الزيتون تاهيا بدوار ميش ومزارع سيدي بورجا ومزارع الجديدة وحي البورة واكويدير، و نفضحو التجزئة العشوائية البروج بجنان التصريف وجنان لسحم وتامزطاوط و زيد و زيد…
يتبع…تا و الله ما قايد هههه
سير على بركة الله…
