الفرشة – Lfercha واجبنا ضد الفساد
المعالق ديال الذهب دوزناهم بشريبة دلما، و تربية الغزال عندك فالدار (انظر صور المنشور من اقامة العامل السابقة ب اسا الزاك)، حيث نتا عامل و قانونك بوحدو تاهيا دوزناها بكويس ديال اتاي، الاستثمارات في اسم مرتك و بنتك و ولدك شدى و معاذ نقولو كلكم بحال بحال فينما كان شي شف_ار كيكتب لتريكتو، كتبيع البلاد و ثرواتها للقطريين مقابل صيكان ديال الكاش و العملات الصعبة و الساعات الثمينة، نقولو تاهاذي ماشي بوحدك كتديرها، و لكن تاخذ الدكتوراه مدرحة من جامعة ابن زهر و نتا مسالي لا كتابة لا هضرة، وا لاواه !
كتهضر غير بحال السمسارة و النصا.بة، على الدين و الصفقات،
انا عارف شكون حتى الطالب ولد الرشيدية لي خذا ليك الدكتورة بميزة الشرف و نتا و الله ما عمرك قريتي فيها حرف…الطالب لي خذا ليك الدكتوراه بميزة الشرف مقابل وعد كنتى مطمعو ب la prise en charge باش يخرج يقرى برا مسكين و ما عقلتيش عليه، داز منين دازو لي سبقوه، قضيتي غرضك منو و سستيه…
كلشي كيخرج من ظهر اولاد الشعب، كي دبلومات أولادك المخلصة بفلوس الن.صب على الناس، كي دبلوماتك نتا نيت المدرحة الموخوذة بمجهود الناس…
يالله زيدك هاذ التحدي تاهوا على تحدي حجة أداء واجبات تكاليف الدراسة لأولادك في ارقى الجامعات الاوروبية، و ورينا كي درتي لهاذ الدكتوراة، فين دوزتي و وقتاش و كيفاش و مع من ؟
تا الا تصاب نتا لي قاريها و واخذها بذراعك، و الله تا نقرع و نخرج ندور فالشارع و نغوت فلايف مباشر الفرشة كذا.ب و سي العامل رجووووووول…
تا سير على بركة الله…
