المرحوم بلال مستقيم ليلة قت*له قطعو المكالمات داخل عكاشة مدة ثلث ايام

و في الخمس الاشهر لي دوز من عقوبتو، كانو خوتو كيديو ليه فكل كانزا 1100 درهم، فيها 100 درهم تعبئة و الباقي فلوس كياخذها بون، بلال كان كيقول لخوتو ان البونات كان كيوفرها و جمع شي 6000 درهم، باغي ملي يخرج يدير شي كروسة و لا شي حاجة.

بعد.دفنه و مرور ثلاث ايام، مشى الاب ديالو ياخذ حوايجو و فلوسو، قالو ليه سير جيب عدد الموتى و الورثة، مشى جابها ليهم اعطاوه شي شراوط لا علاقة بحوايج الشاب، ما كاين لا السيرفيتات الستة لي ارسلات ليه مو، لا الصندالة لي لابس بوحدها ساوية 6000 ريال، و لا السبرديلة الجديدة ديال خوه لي دخل، اعطاوه ستالاف ريال..الاب خذا الستالاف و قع عليها و الشراوط خلاهم ليهم…

الام لي ما شافت ولدها السجين خمس أشهر و نص حيث ما عندهاش الجلبة علما ان عباد الله كيدخلو بالرشوة بلا جلبة، حتى شافتو ج*ثة هامدة، تقسم باغلظ الايمان انها تسلفت ربعة دالمليون و نص باش تقوم بولدها و ما يحسش بحكرة السجن، صدقت غارقة كريدي و ضايعة ففلدة كبدتها….

يتبع…

سير على بركة الله…