الفرشة – Lfercha واجبنا ضد الفساد
السيد من الساكنة قبل قليل الباب حسك لبنتو صباعها الله يشافيها عندها ثلث سنين فقط، عيط للرايس قاليه را السبيطار ساد، قاليه هاذاك غير مستوصف حنا عاد ناويين نديرو سبيطار، قاليه كاين شي سيارة إسعاف قاليه لا خارجة و كنديو غير الحاملات لي باغات يولدو، السيد شاف تاعيا و خذا طاكسي كورصا ب 200 درهم لسبيطار لجديدة…تماما كيما وقع لسيدة وحدانيه حاملة راجلها غايب جات بقات جالسة فمستوصف الأحد كتسنى فسيارة الاسعاف، بقات تما منشورة قالو ليها را ما عرفنا فين مشى هاهوا هاهوا جاي تا تناقشو ليها شي محسنين و صيفطوها تاهيا في طاكسي كورصا.
سي الطرمونية عندو باش يخلص نجوم المغرب بالملايين و يجمعهم في مهرجان الفيلاج (انظر التعليق) ديالو لي مسمينو اولاد فرج و ما عندوش باش يخدم مستوصف ! غير سعيدة شرف دات خمسين مليون…غايخرج يقولينا عاوتاني بلا حشمة، را فلوس الخواص باش درنا المهرجان ماشي الجماعة…ذاكشي لي قلنا نيت، المهم هو النشاط….
شنو رأي السي العامل فهاذشي ؟ و شنو رأي مندوب الصحة ؟!
ياودي غير سير سير على بركة الله….
