اه اه اه، ثيقو بيا، الروينة نايضة ف قنيطرة و اسفي و عدة شخصيات مسؤولة مدنية و عسكرية تتحسس رؤوسها….

نجم Lfercha الفرشة الجديد حمزة بن وحود الملقب بالرباطي، عقلتي على هاذ المقاول الثري المرحوم مكي عبد الله جنسية مزدوجة بريطاني سوداني (انظر التعليق) مول شركة ميكتال كروب، لي خرجتي ليه على حياتو، ملي قصدك المحاسب ديالو الهندي الجنسية المسمى أنيل باش يتسلف من عندك فالنوار بالفايدة طالعة، غرقتيه بالنتيريس و ملي تعسر مرة و تعطل عليك جاتك الفرصة لي كنتي كتسنى، و وقفتي عليه في اسبانيا كياكل هو و ولادو، و قلتي ليه : تخلصني و لا تنازل على املاكك و لا نق.تل ليك بناتك…

السيد خاف على راسو و ولادو و اسمح ليه فكلشي و جر السلة بلا عنب، فلوس، فيلات، 8 طومبيلات 4 منها فاخرة… كانت عندو شركة لوجستيك خدام مع المكتب الشريف للفوسفاط ocp، كان شاد بزاف ديال المواقع، مراكش، اليوسفية، بنجرير، الناظور، طنجة، خذا ليه كلشي، وشرد مئات عائلات خلاهم في الزنقة، و قت.ل صاحب الاملاك والمقاولة بالفقصة، مات في إسبانيا بالسرطان…

هاذي كانت هي السبب علاش هربت اسرة المرحوم مكي عبدالله من المغرب و التجأت للامارات بعدما تم السطو على املاكهم و خلاهم على الضس ولاو باغين غير يفلتو بجلدهم هوما و ولادهم…

الملف باقي مجرجر في القضاء، و السر الشقة لي عندو فالرباط كلشي كيجي ليها، المحكمة المقاطعه المقدم والقايد، لي بغى يتكاتب معاه كيديه ليها و يجيب ليه الادارة و المحكمة تالعندو، شقة مشبوهة متعددة الاستعمالات…

يتبع…

سير على بركة الله…

المقاول البريطاني السوداني مكي عبدالله