الفرشة – Lfercha واجبنا ضد الفساد
كان طالب فمدرسة للحلاقة و خدام فمارشي الحوت كيمشي يدبر فمصيريف بذراعو بحكم الحالة المادية ديال دارهم، كان في نزاع مع واحد اسمو أشرف شمس، كان غادي للتكوين ما قراش داك نص نهار أو مشى كيف العادة للسوق باش ينقي الحوت، وقع النزاع بيناتهم تهازو…
اتصل اشرف ب البوليس أصحاب الدراجة النارية ومشاو للدائرة 23 و كتبو المحضر، من تم سيفطوهوم للشرطة القضائية فين الأم ديال هاذ اشرف كتعرف واحد الكوميسير بدليل دخلات عند لابيجي فالليل بوحدها، علما انه ممنوع تدخل بالليل، و يوم السبت لي مكيناش الخدمة كاع…
دخلات هضرات مع الشرطة القضائية و لفقو تهمة ترويج القرق*وبي لبلال، لي مابغاش يوقع على المحضر أو بقاو كيضربو فيه كاملين حتى وقع بزز منو… و مكاين حتى دليل عندهم، لفقو ليه التهمة بدون محجوز بلا والو، أو من بعد شهرين حكمو عليه ب8 أشهر و 5000درهم غرامة، و أشرف تم إطلاق سراحه مؤقتا(سورسي) مع 1500 درهم غرامة.
يوم 13 شهر 3 مشاو خوتو للزيارة قالو ليهم راه نقلوه لسجن أخر و هو باقي كاعما داز تا فالإستئناف، و الحقيقة هو انه داوه السبيطار فالإنعاش، من بعد ما ضربوه الموظفين بالسوارت لراسو لي هوما الحراس الليليين لي كان ديما كيتشكا منهم العصى للإخوة ديالو فالزيارة.الشاب نهار 13 توفى و ماكان حتى إتصال من السجن بلي راه ميت اولا مريض، و الطبيب قال لوالديه بلي راه عندو برودة فالقلب أو فشل فالكلاوي أو كيدير لانسولين، علما ان والدين الشاب كياكدو ان ولدهم عمرو ما كان عندو السكر و لا خذا شي جرعة ديال لانسولين، أو هوما لي عطاوه لانسولين فالدم ديالو باش يموت…
الشاب كانو فيه كدمات فيدو أو فوجهو الأثر ديال الضرب كان باين أو مخلاو حتى وأحد يدخل عندو أولا يصورو، كانو متكينو على جنبو أو هو ميت باش ميبانش الضرب لي فالجهة الأخرة ديال وجهو …
دازت 5 أشهر و10 أيام أو باقي مابغاو يعطيو لاسرتو التشريح، كانو معاه سجناء أو مابغاوش يشهدو حيث خايفين من الموظفين إيلا عاودو دخلو للسجن وقالو بلي قتلوه طبعا….
عندنا الأسماء ديال لي ضربوه…
غير سلاولي…
سير على بركة الله…
