ثنائية الثروة و البؤس … جلالة الملك فراسو هاذ الحكرة لي دايرة وحدة من شركاتو ؟

في جماعة تازناخت اقليم ورزازات قيادة ويسلسات دوار بو وزار، شركة مناجم التابعة للهولدينغ الملكي دارت عقد استغلال الكوبالت مع bmw و renault غايدخل فحيز التنفيذ سنة 2025…

من بين شروط الشركتين الاوروبيتين كان إخلاء المنطقة من الساكنة لوجود خ_طر على صحة الانسان و الحي_وان …

بداية هاذ العام، قايد قيادة ويسلسات المهدي لحلي (انظر التعليق)، مشى كيحصي في 14 أسرة اصحاب الارض و الثروة لي توارثو هاذ الارض ابا عن جد، من بعد مشى جابهم صحة للقيادة نهار الأحد ما كايناش الخدمة، و دوزوهم واحد واحد قالوا ليهم وقعوا هاذ الالتزام صحة، الناس فذيك المناطق درواش و كيخافو من المخزن، لي زعم فيهم و سول علاش غايوقع، كيقولو ليه اش عندك ما تقرى وقع و تحرك و حمد الله لا ما بغيتيش غاتخرج بلا ريال بلا جوج…

دارو معاهم فالاتزام 14 مليون و تخرج من أرضك، السلطة خذات ليهم البطائق الوطنية و قالوا ليهم غير سيروا حنا غانتكلفو بالمصادقة بلاصتكم…

و باقي لدابا ما شدو والو و الالتزمازات باقين عندهم ….

دابا واش ماشي حكرة هاذي ؟ عقد استغلال الكوبالت العالم الله شحال قيمتو مع شركتين عملاقتين و عندكم فقط 14 اسرة لي غاتعوضو، و عاطينهم 14 مليون مقابل يهجروا أرضهم و تاريخهم و ذكرياتهم و ثرواتهم ؟!

اللهم إن هذا منكر…

سير على بركة الله….

صور للدوار و المنجم