الفرشة – Lfercha واجبنا ضد الفساد
الخميس لي فات بدأت الجلسة منتصف النهار و حضرو المتهمين كالعادة، واحد من اباطرة المرسى ديال اكادير الجوهري (الصورة فالتعليق) و المنهش العقاري البرلماني السابق سعيد كرم (صورة المنشور ) و سمسار المحاكم المحامي العربي جنان (الصورة فالتعليق)، و جابو كذلك الشفارا الصغار لي نفذو من الحبس.
بعد استجواب السيد رئيس الجلسة العركوب جمال لي بالمناسبة جابوه خصيصا لهاد القضية و عمرو دوز شي ضوصي ديال الجنايات و داخل للجلسة حافظ الضوصي و سير الجلسة مزيان،
نوع القضاة لي كتحس بلي غادي تاخد حقك معاه، المهم المتهمين جنان و كرم و الجوهري و كذلك المطالب بالحق المدني المقاول المعروف موسى الهبزة، تم استدعاء شهود أصحاب السرقة واحد واحد و رواو قصة السرقة كيفاش وقعات و بالاتفاق مع العربي جنان، لأكثر من شهرين من التخطيط و بمباركة كل من الملياردير الجوهري و سعيد كرم.
بعد اعتراف الشفارة الصغار أمام القاضي رئيس الجلسة و لوقت متأخر بالليل حوالي الثانية صباحا، سخف المتهم الملياردير الجوهري و كذلك ظهر التأثر و الاضطراب على المتهم سعيد كرم وسط الجلسة و كدلك على سمسار المحاكم العربي جنان لي بقا كيترعد و مصدوم باعتراف الشفارة الصغار.
رئيس الجلسة قرر يكمل الاستماع للشهود الآخرين و يخلي المرافعة و الحكم الي يوم 18 يناير القادم، بسبب الظروف الصحية للمتهمين، و صدمتهم بسبب الشهود لي كانو واقعيين و قالو الحقيقة كاملة و كيف تم التخطيط لتلك السرقة.
مصادر الفرشة تؤكد انه فهاذ الملف اول مرة كدوز جلسة بنزاهة وسط حضور عدد كبير من المحاميين و المهتمين بقضية الخزنة الحديدية…
يتبع…
سير على بركة الله….
الجوهري
المحامي جنان
