الفرشة – Lfercha واجبنا ضد الفساد
عقلتو على هاذي لي فالصورة فالتعليق اسمها بشرى نجمي، هاذي لي ناضت بنات فوق ارض منتجع سياحي أد الدنيا، سماتو ماجيك فيلاج فندق و ملعب و مسابح و قاعة أفراح و مطعم و مقهى بدوار أولاد احريز جماعة أولاد زيدان قيادة المذاكرة الجنوبية دائرة الكارة إقليم برشيد، الاموال المترعرعة كتدخل من المشروع و ما عمرها اعطات تا درهم للجماعة… ما عندها تا رخصة صحيحة، كل ما عندها سنطيحة صحيحة و كالة صحيحة و رخص مدرحة…
هاذشي دارتو بمساعدة نايب رئيس الجماعة في الولاية السابقة عبد الحميد العزاب (الصورة فالتعليق) و القايد السابق بوبكر الركيك لي قلنا كانت دايرة ليهم بيوت خاصة بيهم للتفواج بشرابها و شيشتها و العا..هرات ديالها، بيليكي مقابل يخليوها خدامة…
الجديد، بعد منشور الفرشة، بوشرى نجمي دارت شكاية بواحد الولد قالت ليهم داير ليا التشهير مع الفرشة تصنتوا ليه الدرك وطلقوه…رجعات عاوتاني نهار الإثنين دارت شكاية اخرى ديال التشهير ضد المستشار ربيع الشيخ لي فضح هاذ العصا.بة بنفس التهمة…
من جهة اخرى، اليوم العامل بعدما وصلو الصهد ديال الفرشة و المفتشين لي نزلو يبحثو بيديهم من الرباط، عاد سد ليها و أعطى امر باغلاق جميع الأنشطة، وهاد العشية كانوا قدامها المفتشين والقائد والمخازنية والمقدمين، و عند رحال مول لافيراي طلبو منو رخص البناء ماعندوش تاهوا.
عبد الحميد العزاب يوم الاثنين كان عند الفصيلة القضائية بسطات بحثوا معاه على حساب على الرخص اللي موقع هو لصاحبة المشروع.
و اليوم بالذات الفصيلة القضائية كانوا عند بوشرى صاحبة ماجيك فيلاج لقاوها سادة وصورو ليها المنتجع من برا دارو بيه مزيااان…
يتبع…
سير على بركة الله…
نايب رئيس الجماعة عبد الحميد العزاب
