الفرشة – Lfercha واجبنا ضد الفساد
سلوى : خويا بغيتك تهضر على القاضي و تسول علاش الفرقة الوطنية من بعد ما اعطيتهم التسجيلات، سخسخوني بطلع هبط و التحقيقات باقي ما دارو والو منذ عام دابا .
الفرشة : مرحبا، التسجيلات ممكن ترسليهم ليا، كنواعدك ما غانشرهمش انا عارف هاذشي باقي تحت التحقيق.
سلوى : مرحبا خويا كنواعدك غير نرجع لداري لتطوان و نرسلهم ليك.
الفرشة بعد البحث فالموضوع : ختي واش بصح شرى ليك سيارة جديدة ب 43 مليون ؟
سلوى : اه و لكن اخويا را كان كيخلصها من الراتب ديالو ماشي من فلوس الرشوة.
الفرشة : من نيتك اختي ؟
سلوى : اه و الله انا را مثقفة فالدين بزاف و سولت الفقهاء قالوا ليا نتي لا علاقة ليك منين جاب راجلك الفلوس إذا هداك شي هدية…
الفرشة ضاحكا : واخا ايه تا هذا كلام، دابا غاترسلي ليا الاوديوهات كيف واعدتيني ولا لا ؟
سلوى بعد ما تبدلت نبرة كلامها 180 درجة : ملي نسالي غانرسلهم ليك دابا انا مع ختي كونجي.
الفرشة : واخا ختي اعطيني شي تاريخ.
سلوى : خويا نجيك نيشان هاذوك التسجيلات عند الفرقة الوطنية ماشي من حقي نرسلهم ليك.
ترقبوا مفاجآت غاتصدمكم مع هاذ المومنة لي كانت طايحه مع بزناز و هي مازال على ذمة القاضي الظلوم…
سير على بركة الله….
