الفرشة – Lfercha واجبنا ضد الفساد
هاذ الاسماء الخوت عامركم ما غاتلقاوهم منشورين فشي منبر كلهم و شحال عند كل واحد فيهم الا على صفحتكم، هاذو الخوت هوما اصحاب البحر الحقيقيين، هاذو لي جامعين حب و تبن و كيكشطو البحر تكشيط، و ما كاينش لي يتحاسب معاهم و لا لي يقول ليهم شحال صيدتو، لي ديكلاراوها، كيقولو ليهم المسؤولين امين، هاذو ماشي اصحاب الباركوات ديال الصيد الساحلي لي درينا عليهم مثلا فاكادير لي كيهزو لا هزو بضع عشرات من الاطنان و كيتحاسبو مع اغلبهم على الصندوق، لااااا هاذو الكوطا ديالهم بوووحدهم، الشالوطية الواحدة كتقدر تخرج 700 طن في دقة واحدة، هاذو ما كيخدموش 40 و 50 بحري بحال الباركوات الصغار، لا هاذو كيخدمو عشرة الناس بالكثير فباركو كيخرج اكثر من عشر مرات الباركو الصغير، و غير بالمناسبة هاذ الشالوطيات لي عند هاذو ممنوعين من الصيد فالعالم كلو تقريبا الا فهاذ البلاد السعيدة….
هاذو الهضرة عليهم كثيرة و كتطيح الضيم و غادي نديرو جهدنا معاهم باش تعرفو الخوت اش واقع و شنو حقيقة الوضع و كيفاش كيحاربو كاميلة المغاربة، باقي غانشرح ليكم المفيد و علاش كيختارو يخدمو الكوانو (فارينة الحوت) عوض الحوت لي غايوصل للمغاربة، و شكون كيربح من هاذ الاختيار على ظهر الشعب و كاميلة الشعب…
خوذو خوذو بعدا الاسماء لي واعدتكم بيها حصريا و الخير القدام ان شاء الله…غير عقلو عليهم مزيان….
السنتيسي سبعة الشالوطيات. (الصورة).
الزبدي(واجهة و شريك الجنرال بناني) ستة.
عكاشة جوج.
كباش جوج.
لعلج جوج.
الدويري جوج.
بلحسن جوج.
الدرهم وحدة.
الجماني وحدة.
واعليت وحدة.
سيلفر فود وحدة.
خطاط وحدة.
سوجوفيك وحدة.
بيشا وحدة.
يتباع…
سير على بركة الله…
