حصري و خطير و واضح..

البلاد مثقوبة و قالتها الفرشة…زكية كنتي ساكنة عندي فالصفحة تصبحي و تمسي عليها، عيطي على الكبيدة صوفيا تونسك…

ندخلو فالموضوع مباشرة، زكية الدريوش لي خنينيش مازال كارم عليها، دخلات قبل سنوات بنتها المصونة للدومين، و دارت ليها شركة Compagnie De Sourcing Et De Conseil لي ولات وسيلة من اجل تبييض اموال الرشوة لي كاتشد من عند مجهزي مراكب الصيد في اعالي البحار.

هاد الشركة لي المقر ديالها كاين فكازا د، هي لي شادة بزاف ديال المرشيات من عند شركات ديال عزيز عباد الكاتب العام لغرفة الصيد فاكادير، و حسن ايدبيشو بطل العالم في التزوير لي سبق ليه زور اوراق ملكية ديال ارض فكازا و خرج منها سلامات صحة سلام، هذا عقلو عليه ما زااااااال نرجعو ليه…

قلنا هاذ عباد و ادبيشو بين عشية و ضحاها ولاو المتحكمين فقطاع الصيد البحري و كايستحوذو على حصة الاسد من الكوطات، و كلشي تحت رعاية “الشريفة” زكية الدريوش لي بدورها كاتشد حقها عن طريق Compagnie De Sourcing Et De Conseil.

الدولة لا ما تاقتش في تقرير رسمي ديال جامعة اطر القطلع العام لي فصل فهاذ التجاوزات، ماعليها غير تدقق فمعاملات شركة بنت زكية الدويوش، و غادي تجبد الخنز ديال لفلوس دايزة من شركات ديال مجهزي مراكب الصيد مع Compagnie De Sourcing Et De Conseil و كلشي وهمي ماكاين لا بيع لا شرا لا سيدي زكري، غير فلوس كايتعطاو لزكية بطريقة قانونية و مبررة فاطار تبييض الاموال.

الخطير فهاد شي كامل هو انه لا الشركة ديال بنت الكاتبة العامة ولا الشركات ديال دوك الرهوطة مخلصين الضرائب ( فالتعليق صورة الرهوط زبائن بنت الشريفة واحد ينسيك فالاخر)، و الدولة كاتسالهم الملايير غير TVA، و ماكاينش ولد لمرا لي يدخل يفتح تحقيق فهاد لخواض، حيث كلشي مشري و كلشي كايوصلو الحوت الحر حتى لباب الدار بمن فيهم سي لقجع لي عارف و ساكت.

هاد الفيلم كولو الدولة لي واكلة لعصا فيه اي الشعب، و هي الضحية الوحيدة حيث مامدخلة حتى لعبة للصندوق، و المسؤولين ديال الضرائب ناعسين على الملفات، بالمقابل حيث واكلين تفرتيت من داك شي لي كايشيط على العصابة.

و الا مازال شي مسؤول كايغبر على هاد لبلاد يمكن ليه يتحقق من المعاملات المالبة ديال هاد الشركات:

Atlantic fish sud

biob shrimp fish sud

Asmak khalil adam

OBAPE SCA

سير على بركة الله…

الرهوط كبار القوم المتهربين من الضرائب و المتعاونين مع الشريفة في نهب كل شيء جا قدامهم حوت ضرائب…

جزء من تقرير اسود للمهنيين، فين وصل هذا ؟؟؟ تدفن تاهوا ؟