الفرشة – Lfercha واجبنا ضد الفساد
نزلوه نزلوه .. علاش لا.. معاكم أ السي العامل حتى كرامة الموظف ولات بحيرة ديال الخرشف …
نعام سيدهم “الهامل” المفضوح من زمان، من ايام انزكان، فتحتي بحث على مقهى عشوائي هادي عامين تقريبا( 04 حوانت في ملكية الجماعة تم ضمهم ) وعوض ما تفك المشكل وتعاقب المتلاعبين بأملاك الجماعة منهم نائب الرئيس اللي باع حانوت ب 30000 درهم ،زرعتي الخرشف في ظهر الموظف ، والرئيس خرج ليه كود و قاليه مال بوك مزغب !! ..
الموظف فضح الرئيس أمام قضاة المجلس الجهوي للحسابات اللي عاينو المقهى ، وباقي الموظف كايتسنى استدعاءهم كيما واعدوه .. والنتيجة الرئيس تحول للدون كورليوني ولجأ للعنف والتحريض عليه والمؤامرات ، وتسبب للموظف في سلسلة من الإعتداءات من طرف المقتاتين من ريع الجماعة ..
ياك أ المرضي حتى الكاميرا ديال الجماعة اللي من المال العام وكاتحسب على المرفق العام منعتي رجال الدرك من الإطلاع على التسجيلات الخاصة بالإعتداء على الموظف من طرف زوج الموظفة صاحبة المقهى..
السيد وكيل الملك كانعرفوك راجل حقاني ، دخلنا عليك بالله لما اخضع الكاميرات للخبرة سترى عجبا ، واخة النائبة “المحترمة” ماغيعجبهاش الحال (…!!؟؟)
السي الرئيس المقاول : كملتي الصبغة ديال الجماعة ولا باقي ، وقيلة غير كاتبرع عليها من مالك الخاص ،وخلص بعدا الموظفين اللي صبغو عنداك تدير ليهم نوض ونوض…
ماتلوموناش انتوما اللي زرعتو الخرشف والخرشف مشوك …
سير على بركة الله…
المجر.م نائب الرئيس حسن تونسعدي الملقب بابليس
