الفرشة – Lfercha واجبنا ضد الفساد
وحدة من الرخص سلمها سنة 2021 و دون فيها تاريخ 2009 ملي كان رئيس زعما، فهاذ التاريخ باقا الدار خلا ما تحطات فيها تا ياجورة…تجدون الرخصة المزورة بتاريخ مزور و معاها معاينة قضائية تتبث ان طلب الرخصة لم يوضع إلا سنة 2021…
المهم هاذ المز*ور حصل و دانتو المحكمة و كلشي…فنظركم شحال اعطاوه ؟! تزوير محرر رسمي و استعمالو و خيانة الامانة و ماعرفت اشنو…عشر سنين و لا خمسة و لا غير ثلاثة كاع ! وا غير عام ؟! وا غا شهر ؟!
و الله ما دوز تا ليلة، بعدما تم حفظ القضية و اعادة اخراجها من الحفظ صحة، اعطاوه اربع اشهر موقوفة التنفيذ، و ما كادوا يفعلون، و 300 درهم غرامة…
هاذ خونا المدعو حسن الطبيب راه ما زال كيسير نعام سيدي الشان العام عضو فبلدية سيدي بوعثمان و رئيس لجنة فالمجلس الإقليمي باقي خدام على راسو…و السر عند البامي رئيس المجلس الإقليمي الرحامنة صلاح الخير و عند البرلماني الاستقلالي عن اقليم الرحامنة عبد الحليم المنصوري (من عائلة عمدة مراكش) شلاهبية أكثر منو كيدافعو عليه…
واييييه….
سير على بركة الله…
الرخصة المزورة
