الفرشة – Lfercha واجبنا ضد الفساد
سي الشاطر عامل النواصر، عقلتي كنا تحديناك قبل اسابيع تجبد لينا رخص الديبوات و البنايات لي صورنا ليك، حنا باقي لدابا كنتسناو، و نتا باقي لدابا داير هبل تربح، لكن هانية تعودنا على المسؤولين بحالك، لذلك تاحنا غانديرو راسنا ما فاهمينش و غا نواصلو معاك التحدي …
سي العامل و نتا سي الباشا ديالك، زيدكم هاذ الديبو لي فالتعليق ديال نفس العصابة، تاهوا بدون رخصة… و هذا ليس الوحيد، غا بلاتي غانغرقكم…
بانينو عصابة العقار المعروفة عندكم بالشهوبة، بزعامة السمسار مصطفى جلال و خوه راس الحربة مول الشكارة حسن جلال (الصور يمين)، التريكة المشبوهة بالغبرة و السمسرة فالمحاكم و البناء العشوائي و الترامي على اراضي الغير و النصب على الدراوش و تشريدهم…
اسم مول هاذ الديبو العشوائي هو زكرياء جلال أصغر نصاب فالاسرة، أخ زعيم العصابة مصطفى جلال…
العنوان هو دوار اسماعيل جماعة أولاد عزوز إقليم النواصر البيضاء.
لا تصاب عندو رخصة نواعدكم نطلع راسي فالعمارية 😀
يالله بينو لينا… بينما نزيدكم شي بركة أخرى…ما زال نقدر نزيدك مخالفة فالنهار و ما نتقاداش تالعيد الكبير ديال العام الجاي 😀…
تا سير على بركة الله…
