الفرشة – Lfercha واجبنا ضد الفساد
اليوم غير الأيام لي فاتت، فين كانت أمانديس هي عروسة العمارية، اليوم عمارية عراب تاشفارت و ابتزاز الإدارة في اطار المصالح.
السالمون رشيد جمع الوقفة وجاوب على هاذ الأسئلة، وايلا تعطلتي غنجاوبو بلاصتك بالدلائل والحجج والوقائع…
كنتي كتروج ان العياشي الذيب لي دخلتي عليه لاتولي ديالو وتعديتي عليه جسديا نتا وصحيبك عماد الوردي، أن المرحوم مات بالمرض الملعون ، الكونصير ياك ؟
و الحقيقة غير ذلك و غنوصلو ليها ان شاء الله، لي هي الموضوع الاساسي ديالنا فهاد العمارية، خصوصا ان الذيب قبل ما يموت، لي تلاقاه كيقوليه السلمون و رباعتو سمموني.
السؤال الأول : نهار هبطتي للرباط وتدخلو ليك دوك الشلاهبية ديال ريضال مع الغديدير عثمان محيش ، نتا كنتي عارف العياشي الذيب دخل فغيبوبة وماكيقشع مسكين والو، حتى الوالدة ديالو وولادو ماجايب ليهم اخبار ، شنو الهدف ديالك من الإلحاح باش تدخل تطل على العياشي ؟ و ماتقولش ليا كنتي باغي تسامح معاه حيت نتا مكبتها معاه وملفاتك فالمحاكم والكوميساريات دارو الريحة.
السؤال الثاني : شنو قلتي لمرات العياشي الذيب ملي جات عندك وطلبات منك الفلوس لي جمعو العمال ديال امانديس كتضامن منهم مع اسرة العياشي ؟
السؤال الثالث: شنو الحجة لي عطيتي للمحكمة او بعبارة أدق، شحال حطيتي ديال الفلوس باش تحول ليك الحبس النافذ للحبس موقوف التنفيذ ؟ وماتقولش ليا ورثة العياشي دارو ليك تنازل على حقهم فالمتابعة ديالهم ضدك فالاعتداء على الاب ديالهم. (انظر الحكم فالتعليق).
السؤال الرابع : شكون تطوع يموه ولاد العياشي باش مايوصلوش للوثائق الطبية ديال الاب ديالهم ملي كان فالمصحة فحي الرياض، وحتى من بعد الوفاة ديالو ؟
رشيد السالمون، ماتدهش ماتخاف، المتهم بريء حتى تثبت ادانته، ركز وجاوب ولنا حق التعقيب …
إضافة أخرى ضروري نشيرو ليها، و السؤال هنا موجه للقزيقيز ديال فيصل دليل ديال الموارد البشرية، وعادل الراضي (الله يعفو عليه من الفيس)، ومافيها باس نزيدو معاهم المديرة الجديدة للموارد البشرية :
الاطار الطاغية السالمون رشيد، دخل على المرحوم العياشي الذيب وتعدى عليه جسديا وفوسط الكراج ديال الشركة، يعني بتطبيق المادة 39 من القانون 65.99 ديال مدونة الشغل المغربية، لي واضحة وصريحة، يعني المتهم ارتكب خطأ جسيم كيستوجب الطرد، ولا نتوما سبوعا على الدراوش ؟
قلنا ليكم أمانديس رديتوها زريبة ، و راكم معروضين عندنا فالعمارية واحد واحد، مازال واد خنزكم فايض، و غا سمحو لينا راحنا مطولين معاكم الضيافة.
يتبع…
سييير على بركة الله…
