الفرشة – Lfercha واجبنا ضد الفساد
نجمة Lfercha الفرشة رئيسة جماعة بن جرير بهية اليوسفي ولات طالبة السلة بلا عنب، قلنا ليكم قبل يومين را تسلطت عليها لجنة من الرباط اسبوع هذا و هوما لابدين ليها فالجماعة، حصلات حصلة كل.باوية، لجنة التفتيش ما خلات لا صغيرة ولا كبيرة، حتى من الز.بالة حاشاكم مشات ليها باش تشوف الكاميوات الخردة (مالين صفقة مليار و ربع مليار) لي كيخويو النص والنص كيرجع فيهم بسباب الميكانيزم المعيوب لي فيهم…المهم حيدو ليها السوارت ديال الجماعة و المكاتب و كلشي….
الجديد و الحصري هو البارح بالليل هزات الرحيل من الفيلا الجديدة لي كانت باغا تشري بحي مولاي رشيد، الرحيل مشى فالسطافيط لي فالتعليق، وحطاتو في بيت السطاح عند دار شيخها الله يرحمو فين كانت ساكنة من قبل، وغبر ليها الأثر …
الفنادقية ولاد لامين كيقلبو عليها باغين يردو الرشوة نوار ديال السوق، رئيس جماعة الداخلة جا حتى لمراكش ومابغاتش تجاوبو حيث ناصبة عليه في ملايين صحاح نهار دات العضوات ديال المجلس للداخلة و سعات بيهم، و سيدة أخرى من كازا حتى هي ضمساتها في 220 مليون حتى شدات الضحية الفراش بكثرة الحسرة…المهم تشابكت بالمزيان…
سير على بركة الله….
