الفرشة – Lfercha واجبنا ضد الفساد
غادي نبرهن ليكم معشر الفرشاويين باذن الله ان هذا هو أفسد عامل بين عمال المملكة بدون منازع،
غادي تمحنك الفرشة اودي اسي العامل في القادم من الايام، جاياك أيام كحلة نتا و الكار_طيل ديالك، ما كاين ما ولكن، و بالأرقام و الحجج و المعطيات الدقيقة…
اشمنك يا اموال التموين، واشمنك يا اموال المبادرة، واشمنك يا ثروات الصيد، واشمنك يا ملايير و امتيازات مشاريع السكن و الوحدات السكنية و البقع لساكنة المخيمات و للعائدين….
و كلشي كيتسرق و كلشي فراسك، حتى اضاحي الأضحى و العرش لي كيرسل جلالة الملك لساكنة المخيمات كتطمعوا فيهم يا اولاد شحيبر ، و لي غايتنهبوا اليوم الخميس بالذات بالمناسبة، ككل سنة منذ اكثر من ثلاثين سنة من طرف نفس لصو_ص و تجار الرصاين، و على عينيك يا بن عدي، تحت اشرافك و اشراف الجيش، و نتوما كتشوفو و فاهمين و عارفين و ساكتين و راضيين و مطمرين، حيث واكلين حتى تلغجتو، ما تقدروش تفلفسو…
ما تكطعش، الهم كثير و الله المستعان…
اه ذكرني اش قلتو ؟ الصحراء منطقة حساسة ما خاصناش ندويو عليها ؟ نديرو عين شافت و عين لا ياك ؟ حكا حيث الكابرانات و أعداء الوطن كيترصدو لينا ياك ؟ و نتوما غاتستسمروا ان شاء الله فالنهب ياك ؟!
واخا اسي هي الأولى…
سير على بركة الله….
