عص.ابة لاجودان سميمو و الخشخوش السبيسيمان و من معهم… الحلقة الثالثة…

عارف الموضوع طويل و كلفني وقت وجهد كثير تانا و لكن ما لقيت ما نقطع منو كلشي مهم، و يكفي تعرفو ان هاذ السيدة المحسنة لي في عقدها التاسع تشللت و فقدت بصرها بسبب فعايل هاذ الع.صابة خصوصا ولد ختها لي فالصورة..الله يعافيها و يعافي جميع أمهات المسلمين…و الله يدير شي تاويل دالخير لبلادنا، اشمن تنمية واشمن حقوق ملي تولي السلطة و العدالة في خدمة المجرمين…

تذكرون السيدة فاضمة ابناي (الصورة فالتعليق) المسنة ضحية عص.ابة لاجودان رئيس مركز الدرك سميمو و عضو الجهة يوسف اخشخوش (صورة المنشور) ابن اختها نيت و من معهم، لي دوينا عليهم قبل يومين ؟

اسيادنا فسنة 2015 شافت معاناة ساكنة دوارهم مع الما و بغات تساهم فتنمية منطقتها و مساعدة الساكنة في مشكل الماء بحكم ربي موسع عليها، كلفت ولدها خلق جمعية سماها : “أوسات امجاط للتنمية و التعاون”، و حط على راسها الفقيه عبد الكريم بن الطالب، هذا هو لي تكلمنا عليه في منشور فض.يحة لاجودان ديال سميمو، هو المحكوم بالسجن سورسي و غرامة بعدما هجم على أرض نفس السيدة، كنا فصلنا فمنشور ورث 12 مليار كيفاش لاجودان رد هاذ الهاجم و من معه شهود، و كيفاش زور التصميم بخط يديه و رفقنا كلامنا بحجج و وثائق رسمية.

بعد استكمال الدراسات و البلانات من طرف الجمعية تم حفر البير و الصهريج على أرض السيدة المحسنة لي تبرعت بيها من ملكها، و دوزو القوادس لعباد الله فجميع الدواوير لي تابعين للدوار الكبير امجاط، كلشي هاذشي شاف النور بفضل مساهمات المحسنة (المال و الأرض و الجهد) و اموال المبادرة الوطنية للتنمية البشرية و كذلك المجلس الإقليمي…

بمجرد ما سالات الاشغال و وصل وقت تسليم المشروع للجمعية ( على بعد شهرين من الإنت.خابات)، عوض ما يسلمو المشروع للجمعية ديال السيدة المتبرعة لي تكلفت بيه من بدايته إلى نهايتو و في إطار اتفاقية شراكة رسمية تجدونها تاهيا فالتعليق، غادي تقرر نفس العص.ابة ديال منشور ورث 12 مليار، رئيس الجمعية لي هو لي قدمتو ليكم اعلاه السي الفقيه عبد الكريم بن الطالب البلانطو ديال اخشخوش يوسف عضو الجهة و رئيس فريق pps فجهة مراكش و ابن اخت السيدة المحسنة و الضحية ، و لاجودان رئيس مركز درك سميمو حسن البرنوسي و قايد قيادة سميمو السابق كايمو احمد (حاليا باغبالو ميدلت)، غادي يكلفو البلانطو ديالهم الفقيه رئيس الجمعية باش يدخل جمعية أخرى تابعة لهاذ الماف.يا صحة، اسمها أمان للتنمية و المحافظة على الموارد المائية، لا علاقة لها بدوار امجاط، كان على راسها واحد ما قاريش حطوه يدوزو بيه شي خروقات و ينهبو بيه عباد الله، مثلا كانوا كيحسبو على المستفيدين من الما الطاكس علما ان الجمعيات معفية من الضرائب.

ابن المحسنة ملي ساق الاخبار غادي يزرب على الرايس الفقيه لي كان ثايق فيه و كلا غلتو و سب ملتو بسبب الطمع، و غادي يدير جمع استثنائي و يجري عليه و يولي هو الرئيس، و غادي يوقع مع المجلس الإقليمي اتفاقية رسمية يوم 20 يوليوز 2021…

ساقو العص.ابة الاخبار مشاو عند القايد كايمو أحمد، القايد غايتاصل بالرئيس الجديد ابن المحسنة و غادي يقوليه اعطي السوارت ديال المشروع لجمعية امان، ملي رفض الابن تسليم المشروع ديال جمعيتو لجمعية أخرى من خارج الدوار، ارسلو ليه كالعادة بلط.جية فبهم واحد مبحوث عنه الى يومنا هذا شارك تاهوا في نفس قضية الهجوم على أرض هاذ السيدة المحسنة نيت، المدعو لشقر محمد، و غادي يهرسو القفولة و يبدلو السوارت، و كان حاضر مع البلط.جية واحد موظف من الجماعة اسمو بادوح ابراهيم و موظف اخر من القيادة لم يذكر اسمه في المحضر.

رئيس الجمعية ديال امان لي استولت على مشروع ماليه فضح العصابة من بعد و صرح في ذات المحضر لي غاتلقاوه تاهوا فالتعليق، ان الرايس كذب عليه و قاليه ان جمعيتو عندها اتفاقية مع الجماعة من عهد الرئيس السابق غير سير خذ المشروع و دير شرع يدك كون هاني حنا وراك.

ختاما، كلشي هاذشي قابل للتحقق منه و التحقيق فيه، نفس العص.ابة لي طامعة في ورث السيدة المحسنة لي هجمت على أرضها، هي نفسها لي خططت باش تستولى على مشروع جمعيتها…

و بدات جمعية الماف.يا كتستخلص 1500 درهم لكل منخرط جديد، في الوقت لي الجمعية الاصلية صاحبة المشروع كانت باغا توصل الما لعباد الله بدون مقابل فابور…و السيدة المحسنة صاحبة المشروع ليومنا هذا طلعت من هاذشي كلو ربما باجر مقبول عند الله لكن ما استافدتش و لا قطرة من المشروع ديالها، لي ردوه مقاولة خاصة هاذ الع.صابة، بحال البير لي تكلمنا عليه البارح، و بحال ورث هاذ السيدة نيت بالملاير لي خدامين عليه !

يتبع…

سير على بركة الله….

الاتفاقية

اقوال رئيس الجمعية ديال العص.ابة لي فضحهم

السيدة فاضمة ابناي المحسنة و ضحية ع.صابة السياسي ولد ختها بارك الله في عمرها