الفرشة – Lfercha واجبنا ضد الفساد
فراسك كاين حاليا دابا نيت عدد من موظفي سيكيريتي خدامين فإدارات التعليم بدون راتب منذ أشهر ؟ ما عندهم ما يوكلو لولادهم و ما قادرين حتى يهضرو، لي هضر يجريو عليه ؟!
فراسك انه بعلم و تواطؤ هاذ الادارات (خنيفرة مثلا) كتجي شركة سيكيريتي تخدم ثلث أشهر و تبدل الاسم و تبات ما تصبح و تنكر المستخدمين ؟
فراسك كاين لي باقي لدابا كيلبس الكسوة و كيمشي يخدم فابور منذ أشهر في إدارات تابعة لوزارتكم كيتأمل شي نهار يحن عليهم شي مسؤول و يعطيهم حقهم ؟
لي باغي يخدم أو ما ثيقش يمشي يسول بنفسو مثلا فنيابة التعليم فخنيفرة !
سيروا سولو فذوك الناس شكون ناصب عليهم و شكون متواطء مع الشركة من مسؤولي وزارتكم الموقرة… حيث المتضررين خايفين لا هضرو هوما غادي يجريو عليهم…
سير على بركة الله….
