الفرشة – Lfercha واجبنا ضد الفساد
هذا هو حسن إد بيشو (الصورة حصرية) لي غادي تكون فراس مالو على الاقل واحد ربعميات مليار بين لفلوس لي فالبنكة و العقارات و الحديد و الباركوات، ثمرة التخلويص و التزوير و التهرب الضريبي و تبييض الاموال، و لي غادي نجيو ليه دقة دقة… و كلشي بالحجة و الدليل.
فرشة اليوم على وحدة من جرائم البارون، الجريمة لي ترتاكبات سنة 2018 فين ناض سي حسن هو و شريكو عبد الرحيم باعقيلي، زوروا الملكية ديال اراضي ساويين 40 مليار، و حولوهم لاسم شركة سميتها ارادات بلا حيا بلا حشمة.
قبل ما نكمل ليكم الفرشة، غادي تلقاو فالتعليق كيف العادة كل الحجج…
الورثة ديال الارض فاش ساقو الاخبار دارو شكاية للوكيل العام فكازا، لي حالها على البوليس ديال اكادير باش يسمعو لحسن و شريكو، و لكن مالقاوهمش و تدارت مذكرة بحث و غتدي يتعتاقل على اثرها حسن، و يدوز فيها 48 ساعة، و من بعد غادي يخرج و مابقاش غادي يرجع للحبس.
هذا لي مخدم باولاد الوكلاء عندو فشركاتو المشبوهة، حيث القضاء ديال اكادير هو التيران ديالو هو و الرباعة، غادي تحال القضية على استينافية اكادير لعدم الاختصاص، رغم انه لا الارض كاينا فاكادير و لا حتى المشتكين ، و غادي يولي مفروض على الطرف المشتكي يتنقل حتى لاكادير باش يحضر للجلسات على ارض لي فكازا…
مالين الارض مامشاوش احتجاجا على قرار الاحالة لاكادير، الشيء لي تم استغلالو من طرف القضاء الخادم الوفي لايدبيشو، و ضمسات القضية من بعد ما توزعات فيها فلوس صحيحة فاقت المليار و نص.
دابا نربطو قضية حسن ايدبيشو و اشرف النفات، و نوجهو رسالة لمن يهمهم الأمر، لا باقي شي مسؤول كيغير على شرف هاذ البلاد، يقلب شحال من قضية عند حسن ايدبيشو و عزيز عباد فقضاء اكادير ضد بحرية مثلا كلاوهم فرزقهم و ضد اشخاص اخرين، و يشوف شحال من قضية خسروا ؟!
الفرشة كاتأكد مسبقا و كتحداكم بلي عدد القضايا ديال حسن البارون و عزيز المج*رم تعد بالعشرات ماخسروا فيها حتى وحدة، لدرجة ان بنادم ولى يخاف يهضر معاهم غا باش مايوصلوهش عند النائب الاول للوكيل العام الشف**ار الاختصاصي في التستر على المجرمين (الملياردير حسين تاكانت مثلا) سي بلعسري و لي غادي نتطرقو ليه فحلقات قادمة بالدليل و الحجة.
نتمناو يتعاود يفتح الضوسي ديال الارض لي زور الملكية ديالها حسن ايد بيشو، و لي بالمناسبة كايقول بلي عندو الكالة فرئاسة النيابة العامة و ماكاينش لي يقدر يهضر معاه فهاد لبلاد السعيدة.
واش عمركم شفتو واحد مزور وثائق عدلية و خرج براءة ؟!
هانتوما شفتوه فاكادير، و نزيدكم هاداك شريكو الباعقيلي عندو سابقة الترامي على ملك الغير خرجو منها نجم الفرشة ملك سوس الحسين بيشا، اوا تاكدوا من هاد المعلومات…
نختمو بالحجج :
بالنسبة للوثيقة رقم واحد هي الورقة لي زوروا بيهاالملكية ديال العقارات.
بالنسبة للوثيقة رقم زوج هي الشكاية ديال الورثة الحقيقيين.
بالنسبة للوثيقة رقم ثلاثة هي محضر الشرطة لي خلاو فيه. استدعاء للمشتكين فلابواط فوكال.
بالنسبة للوثيقة رقم اربعة غير باش دولة تشوف شحال ديال لفلوس تجبدات من الشركة ايام قليلة بعد تاسيسها.
بالنسبة لباقي الوثائق هي شهادة الملكية الحقيقية ديال الاراضي لي بغا ايدبيشو و الباعقيلي يستولاو عليهم.
يتبع…
سير على بركة الله…
