الفرشة – Lfercha واجبنا ضد الفساد
سبحان الله لمراسي ديال لمغرب كاملين عارفين بلي الشمكارة نصبو على الملك الا المخزن…
كيما قلنا فالجزء الاول، قصة النصب و الاحتيال على الملك محمد السادس فقضية مارونا كانت جريمة باينة و كلشي عارفها تقريبا فجميع موانئ لبلاد، الا المخزن كما قلنا ! تقدر تمشي عند اصغر بحري تسولو على مارونا يقول ليك عاشق و ايدبيشو و عوباد نصبو على الملك !
فهاد الجزء غادي نهضرو على واحد الصدفة عجيبة لي هي قانونيا عادية و لكن كاتطرح اكثر من علامة استفهام، زوج شركات شراو الباركوات ديال مارونا، اللولة هي كوادازول ديال المدير عاشق، و الثانية هي مارليب لي مشارك فيها عزيز عوباد و اللبناني الحامل للجنسية السويسرية علي الحاج علي و الزوجة ديالو المغربية ليلى خليخل لي مانت موضوع فرشة بوحدها الاسبوع الماضي.
هاد زوج شركات اعزائي الفرشاويين عزيزاتي الفرشاويات عندهم نفس الدوميسياليزاسيون، ما يفيد انهم تأسسو عند نفس الكونطابل و هذا هو المشهد الذي يثير كثيرا من الاستغراب خصوصا فاش كانعرفو ان كازا فيها الاف المحاسبين.
واش زعما صدفة أن عاشق و عوباد يديرو الشركات ديالهم عند نفس المحاسب و فنفس العنوان و يشريو الباركوات عند نفس الشركة ؟! هذا سؤال عميق كايطرح راسو بقوة خصوصا و أن القضية فيها النصب و الاحتيال و خيانة الامانة و ماشي اي امانة؟ هذا راه الملك محمد السادس و ما ادراك ما الملك محمد السادس !
نفس العنوان المدون فمقر شركتين شاريين الباركوات من مارونا يؤكد ان قبل عمليات البيع المشبوهة و المفضوحة كانت هناك اتصالات و كان هناك تواصل بين افراد العصابة الاجرامية باش يحتالو على ملك لبلاد و ياخدوا ليه رزقو بالنصب و الاحتيال و المكر.
هاد شي كولو و مازال كاين مسؤولين فالقضاء و الامن و حتى فالوزارات و على رأسهم الهبيل وهبي الشاف ديال والد حسن ايدبيشو الحزب تاهوا من البام، كايتدخلو باش يحميو عاشق و عوباد و ايدبيشو من المحاسبة.
هاد الضوسي ديال مارونا مازال فيه بزاف مايتقال و الفرشة حالفة حتى توصلو للملك عن طريق شرفاء هاد لبلاد، و ديك الساعة الا محمد السادس سمح ليهم، فالله يبارك ليهم مانزيدوهم غا لخير …
الحجج على كلامنا فالتعليق…
يتبع…
سير على بركة الله….
