كارطيل اكادير، قلتم نعام سيدي اين الثروة ؟ هاهي !

شحال كايصور المركب الواحد فاعالي البحار بالخشيبات…

بما ان الكارطيل لازال مصرا على اننا نحارب الاستثمار، أجي نتحاسبو معاهم بالورقة و ستيلو و نشوفو هاد شي لي كايديرو فيه واش استثمار ولا نهب و سرقة لثروات لبلاد…

الباركو الواحد عندو زوج كوطات ديال الاخطبوط وحدة فالصيف و وحدة فالبرد، غادي يدخل فيهم على الاقل مليار و نص رباح حيد المصاريف حيد كلشي.

نديرو مثلا هاد الصيف عطاوهم 35 الف كيلو ديال الاخطبوط للمركب الواحد، الا ضربناها فالثمن المتوسط لي هو 120 درهم غادي تعطينا ربعة المليون و ميتين الف درهم، و نزيدو ديال البرد لي فيها 65 الف كيلو اي سبعة المليون و ثمنمية، زيد عليها ديال الصيف غادي مجموع 12 مليون درهم غير اخطبوط.

و الا زدنا الكالامار لي يقدر توصل لخمسة و عشرين الف طن، و ضريناها فالثمن المتوسط لي هو 110 دراهم، غادي تعطينا زوج المليون و سبعمية و خمسين الف درهم، نزيدو عليها ديال البرد نديرو 28 الف كيلو و نضربوها ف 110 دراهم، هي ثلاثة المليون و ثمانين الف درهم.

الا زدنا السيبيا و نديرو ليها حتى هي غا خمسة عشرين الف كيلو و ضربناها فالثمن المتوسط لي هو خمسة و خمسين درهم، غادي تعطينا مليون و ثلثمية و خمسة و سبعين الف درهم، حتى هادي نزيدو الموسم ديال الشتا و نديرو ثلاثين طن و نضربوها 55 درهم هي مليون و ستمية و خمسين الف درهم.

الا زدنا عليها الحوت ديال لوكال، و نديرو الباركو كتيصيد غا ربعين طن و نضربوها فالثمن المتوسط لي هو خمسة وثلاثين درهم غادي تعطينا مية و ربعين مليون سنتيم زيد ميتين مليون سنتيم ديال الشتا.

زيد حسب معايا ا سي بلهايشي، الحوت ديال لافريك نديرو الباركو كايصيد غير خمسة و عشرين الف كيلو و نضربوها فالثمن المتوسط لي هو 16 درهم، غادي تعطينا ربعين مليون و نزيدو عليها ستبن مليون فالشتا.

دابا الباركو عندنا كايدخل زوج المليار و خمسمية و خمسة و عشرين مليون و نص، نحيدو منها مليون و سبعمية و ستين الف درهم ديال المازوط بصحة سي اخنوش بيها، زيد عليها ستين الف درهم زيوت المحركات، لوازم الصيد نديرو ليها 300 الف درهم، نزيدو 200 الف درهم مؤونة ديال البحارة، عشرين الف درهم تجديد الرخصة، و نريدو نحيدو كاع زوج المليون و ربعمية و ثمانين الف درهم صاليرات فيهم النسبة ديال الرايس، و حيد واحد العشرين مليون ديال الشريفة للا زكية، و حيد عشرة المليون كاتفرق رشوة، غادي تبقى زوج المليار و الصرف أ معلم رباااااااااااح.

أ سيدي نزيدو نحيدو خمسمية مليون نقولو مصاريف اخرى غادي تبقى مايار و نص لكل باركو…و الأهم هو عندكم تنساه المصاريف الكبيييرة ديال الكريمة لي فحدود جووووووج المليون .

و فالاخير يجي الجيعان صاحب صمهنين و يقول ليك غادي نهز فلوسي و نخرج برا…

يتبع…

سير على بركة الله…