الفرشة – Lfercha واجبنا ضد الفساد
من عاهد وفى و الفرشة دائما عند الوعد، واعدناكم ب قصة اكبر عملية نصب على سي دي جي و لي الابطال ديالها دائما و كما العادة الكارطيل ديال اكادير ، الع**صابة لي كاتحكم فالقضاء و المؤسسات، و لي وصلات بها الوقاحة انها تنصب على عاهل البلاد.
ملف اليوم فارش راسو، ما محتاج لا لحجة و لا هم يحزنون، واحد الشركة تابعة للسي دي جي سميتها سيليلوز المغرب، كانت دارت فاييت، و بقات مسدودة لسنوات قبل مايسيقو ابطال العالم فالتزوير لخبار ليها، و قرروا من بعد يستولاو عليها، كيفاش؟
واحد خيتي قريبة من مسؤولي السي دي جي راها دابا فالحبس تافقات مع محمد بيشا (يمين صورة المنشور مع خنينيش و الحسين بيشا)، و حسن ايدبيشو، انها دوز ليهم لافير بلا مزاد علني، و تافقو على الثمن و كلشي. ناضت دارت ايميل بحال ديال سي دي جي و صيبات من خلالو مراسلات على اساس ان السي دي جي باعت لمحمد بيشا معمل سيليلوز.
من بعد انتهاء التزوير و من بعد ما سالاو عملية النصب على السي دي جي، محمد بيشا غادي يهضر مع حسن ايدبيشو باش يدوز ليه الشركة كما كان متفقا عليه، و هي العملية لي تمت مقابل خمسة ملايير، و تم بيع سيليلوز لشركة كان فيها محمد الطاهيري المدير ديال لاصورانص لي خدامة فيها بنت الوكيل العام سناء بلعسري (الصورة فالتعليق).
المدير ديال لاصورانص حس بلي حسن و محمد بيشا كايلعبو بالنار، خاف على راسو فقرر يخرج من الشركة الشيء لي خلا حسن يدير فيها سعيد ولدو (الصورة فالتعليق) من لمرا لولا، و يغامر بيه حتى الا مشى للحبس ماشي مشكل حيتاش هو اصلا مامسوقش ليه كيما مسوق لولدو فهد من المرا الثانية (الصورة فالتعليق)، هاديك لي فرشخاتو نهار حصلاتو مع ليلى مولات البورش.
سي حسن غير دوز ديك خمسة المليار لمحمد بيشا و كمل اجراءات البيع، طلع للمعمل ديال سيليلوز فسيدي يحيى الغرب فصلو كامل و باع كاع المتريال، قبل ان تصل وزارة الداخلية متأخرة و لي لقات غا لبرد و الجنون، و لي وصلات من بعد ما لملاير ديال الدولة هزها حسن باعها، حبسات كلشي و دارت تقارير فالموضوع وصلات للجهات المركزية و شي وحدين غبروها بطبيعة الحال لان حسن ايدبيشو فرق فلوس صحيحة باش يضمس القضية.
الوقاحة ديال حسن ايدبيشو كاتبان فطريقة تعاملو مع ولادو بحيث واحد داير ليه زوج مراكب كايدخلو ليه ثلاثة المليار فالعام و واحد مدخلو فقضية يمشي فيها للحبس، ناهيك على فهد لي راكب على رونج اخر ماكاين و سعيد شاري ليه سكودا باش يسكتو.
الشركة لي دار بيها حسن التخلويضة ديال سيليلوز سميتها Atlantic hb و كيما العادة المقر ديالها فالصحراء، و اليوم جا الوقت باش نطالبو سي لفتيت يفتح تحقيق فهاد القضية لان سيليلوز كان اكبر معمل لصناعة الورق فافريقيا و انتهت به الايام بين ايدي الضباع. يالاه بينو لينا حنا نديرو خدمتكم أسيادنا غير طبقوا القانون.
#جميعا_من_اجل_اعادة_فتح_ملفات_كارطل_اكادير
سير على بركة الله…
