الفرشة – Lfercha واجبنا ضد الفساد
علاش كل معامل الداخلة الخاصة بالسردين ديال الاباطرة لي نشرنا اسماء بعضهم حصريا على صفحتكم من قبيل الزبدي (واجهة الجنرال) و السنتيسي و بيشا و بلحسن الخ… كيخدمو الاغلبية اخوانا الأفارقة و كيفضلهوم على اليد العاملة المغربية ؟!
واش حيث ظروفهم قاهرة و كيقبلو مرغمين يدمرو 12 ساعة فالنهار في ظروف غير بشرية بدون ضمان اجتماعي و لاحقوق و ما ياخذوش كونجيات فالاعياد يمشيو يشوفو واليديهم بحال المغاربة ؟!
هذا ماشي اسمو الاستعباد و الات*جار قالبشر مثلا ؟!
هاذو لي كيديرو هاذ الفعايل ماشي ضعفاء و لا ما كيربحوش، هذا مثلا لي فالصورة، كبيرهم السنتيسي، هذا تقدرو تقولو شاري وزارة الصيد كلها، هذا عندو ستة ديال الباركوات الغران بيلاجيك العملاقة لي كتكشط البحر و تقدر تخرج 700 طن في دقة وحدة، تخيلو 700 طن لكل باركو من الباركوات الستة او السبعة لي عندو من نوع غران بيلاجيك، عندو كذلك خمسة ديال المعامل ديال السردين فالداخلة، و الريوس و المصارن ديال آلاف اطنان السردين كيهزوها الرموكات ديالو نيت يديوها للمعمل ديالو كذلك أكبر معمل ديال الكوانو (فارينة ديال الحوت)، زيد عليه الهم الاكحل ديال معامل اللاطا فالداخلة و فالعيون…
هذا كيقدر يدخل فعملية تصدير وحدة فنهار واحد أكثر من ثلاث مليار سنتيم في شحنة وحدة بحال الأخيرة مولات 16 كونطونير، لي شد فيها 3.2 مليون دولار…
و المغاربة، راني كنحب هاذ البلاد و لكن راها مثقوبة ما كاين ما يتخبا.
سير على بركة الله…
