لا والو ما قدرتش نصبر على هذا شحيبر تالغدا خاصو يتفرش الليلة…العار غاتردو الحقوق لاهلها و تعاقبو هاذ المجر.مين…

كاين شي مومن فهاذ البلاد يخرج ديك المظلومة من الحبس يردها لولادها و يدي هاذ العصا.بة فبلاصتها ؟ و لا غانغسلو يدينا و رجلينا ؟

نبدى بعدا بذيك الشي.طانة لي مشات عند الطبيب “المحلف” يا حسرة تصايب ليها شهادة طبية تزعم فيها كذبا انها يالله طيحت الجنين، و غرقو بيها انسانة بريئة بثلث سنين فالحبس باقا تدوز فيه لداااااابا و خلات وراها ثلاثة دراري غير خالتهم لي مقابلاهم…و نرجع لسي الطبيب في آخر المقال…

الضحية اسيادنا ديال هاذ الطبيب و هاذ الشي.طانة او لنقل ديال هاذ العص.ابة لأنه حتى المحكمة رفضت تدير الخبرة و تحرم اطفال من امهم بالظلم و التزوير، اسمها مليكة يعقوبي تقطن بدوار تافطويت دايرة القصيبة عمالة بني ملال، تحكمت بتلات سنوات، بسبب شهادة مزورة دارتها الشي.طانة المدعوة نادية بولين بتاريخ 24 ابريل 2023، القاطنة تاهيا بنفس الدوار عند طبيب غادي نعطيكم اسمو و عنوانو اليوم و لكن مازال غانرجع ليه بالصور و تفاصيل أخرى على فعلتو الناقصة .

نادية بولين حصلت على شهادة طبية مزورة من طرف طبيب يعمل بقصبة تادلة دار ليها فيها 35 يوم، سلم ليها شهادة طبية كتشهد انه يالله طاح ليها بنادم من كرشها، و بناء عليها حكمو على مليكة ب3 سنين، دوزات منها 5 شهر فالسجن، و اليوم التلاثاء، قول سبحان الله يا مومن، الولد رجع لكرش مو لي شهد الطبيب انه طاح ليها قبل خمس اشهر يوم 24 ابريل كما سبق أعلاه، و ولدت الشي.طانة نادية فسبيطار قصبة تادلة خير و سلام.

مليكة الضحية عيات ما تغوت واك واك الحق ديرو لنادية خبرة راها كتكذب، و الله ما سوق ليها حد…

ارا ليا دابا سي الطبيب، من هو هذا البطل القومي ؟! الطبيب يدعى الدكتور الثايق و يعمل بقصبة تادلة كما سبق اعلاه…

يتبع ..

سير على بركة الله…